ಕಿರುತೆರೆ ನಟಿಯರ ಸರಣಿ ಸಾವು ಮುಂದು ವರೆದಿದೆ. ಇತ್ತೀಚಿಗೆ ಅನೇಕ ಟಿವಿ ಕಲಾವಿದರು ಜೀವ ಕಳೆದುಕೊಂಡಿದ್ದಾರೆ. ಕಳೆದ ತಿಂಗಳಿಂದ ಬೆಂಗಾಳಿಯ ಅನೇಕ ನಟಿಯರ ಮತ್ತು ಮಾಡೆಲ್‌ಗಳ ಅನುಮನಾಸ್ಪದ ಸಾವು ಕೋಲ್ಕತ್ತಾ ನಗರವನ್ನು ಬೆಚ್ಚಿಬೀಳಿಸಿದೆ. ಇದರ ಬೆನ್ನಲ್ಲೇ ಇದೀಗ ಮತ್ತೋರ್ವ ಕಿರುತೆರೆ ನಟಿ ಜೂನ್ 18ರಂದು ಶವವಾಗಿ ಪತ್ತೆಯಾಗಿದ್ದಾರೆ. ಒಡಿಶಾದ ಕಿರುತೆರೆಯ ಖ್ಯಾತ ನಟಿ (Odia TV actor) ರಶ್ಮಿರೇಖಾ (Rashmirekha) ಭುವನೇಶ್ವರದ ನಯಪಲ್ಲಿಯಲ್ಲಿರುವ ಬಾಡಿಗೆ ಮನೆಯಲ್ಲಿ ನೇಣುಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ರಶ್ಮಿ ಸಾವಿನ ಬಗ್ಗೆ ಅನುಮಾನ ವ್ಯಕ್ತವಾಗಿದೆ. ಸಾವಿನ ಹಿಂದೆ ಬಾಯ್‌ಫ್ರೆಂಡ್ ಸಂತೋಷ್ ಕೈವಾಡವಿದೆ ಎಂದು ತಂದೆ ಆರೋಪ ಮಾಡಿದ್ದಾರೆ.