ಕಾರ್ಕಳ : ಈಜಲು ತೆರಳಿದ್ದ ಮೂವರು ಕಾಲೇಜು ವಿದ್ಯಾರ್ಥಿಗಳು ಹೊಳೆಯಲ್ಲಿ ಮುಳುಗಿ ಮೃತಪಟ್ಟ ಘಟನೆ ಹೆಬ್ರಿ ತಾಲೂಕು ಶಿವಪುರ ಗ್ರಾಮದ ಮುಳ್ಳುಗುಡ್ಡೆ ಭಟ್ರಾಡಿ ಎಂಬಲ್ಲಿ ಸಂಭವಿಸಿದೆ. 

ನ. 26ರ ಶುಕ್ರವಾರದಂದು ಹಿರಿಯಡ್ಕ ಸರಕಾರಿ ಪದವಿ ಪೂರ್ವ ಕಾಲೇಜಿನ 6 ಮಂದಿ ವಿದ್ಯಾರ್ಥಿಗಳು ಈಜಲು ಭಟ್ರಾಡಿ ಎಂಬಲ್ಲಿಯ ಹೊಳೆಗೆ ತೆರಳಿದ್ದರು. ಅವರಲ್ಲಿ ಮೂವರು ನೀರುಪಾಲಾಗಿದ್ದು, ಮೂವರ ಮೃತದೇಹ ಕೂಡ ಪತ್ತೆಯಾಗಿದೆ. 

ಮೃತ ವಿದ್ಯಾರ್ಥಿಗಳು ಪೆರ್ಡೂರು ಗ್ರಾಮದ ಪಾಡಿಗಾರದ ಸುದರ್ಶನ, ಕಿರಣ್‌ ಹಾಗೂ ಹಿರಿಯಡ್ಕದ ಸೋನಿತ್‌ ಎಂದು ಗುರುತಿಸಲಾಗಿದೆ. ಚಾರ ಗ್ರಾಮದ ಕೆಂಚ, ಶಿವಪುರದ ವಿಜಯ ಶೇರಿಗಾರ್‌, ಸದಾನಂದ ಶಿವಪುರ, ಕೃಷ್ಣಮೂರ್ತಿ ಇವರುಗಳು  ಮೃಹದೇಹವನ್ನು ಮೇಲಕ್ಕೆತ್ತುವಲ್ಲಿ ಶ್ರಮಿಸಿದ್ದರು.