ಗ್ರಾಮ ಪಂಚಾಯಿತಿ ಕಾರ್ಯದರ್ಶಿಗಳ ನೇಮಕ, ಎಂಡೋ ಸಂತ್ರಸ್ತರ ಸೌಲಭ್ಯ, ಗ್ರಾಮೀಣ ಸಾರಿಗೆಗಳ ಕುರಿತಾದ ಸಮಸ್ಯೆಗಳು, 11ಎ ಫಾರಂ ಕುರಿತಾದ ರೆವಿನ್ಯೂ ಸಮಸ್ಯೆಗಳು, ಪಶುವಹಾರದ ಕಚ್ಚಾ ವಸ್ತುಗಳ ಮೇಲೆ ಬೆಲೆ ಏರಿಕೆ. ಈ ರೀತಿಯಾಗಿ ತೀರಾ ಜನಸಾಮಾನ್ಯರ ಸಮಸ್ಯೆಗಳಿಗೆ ವಿಧಾನ ಪರಿಷತ್ತಿನಲ್ಲಿ ಧ್ವನಿಯಾದ ಏಕೈಕ ಸದಸ್ಯ ಹರೀಶ್ ಕುಮಾರ್ ಎಂದರೆ ಉತ್ಪೇಕ್ಷೆ ಯಾಗಲಾರದು. ಯಾಕೆಂದರೆ ಅವರು ಎತ್ತಿರುವ ವಿಷಯಗಳು ತಳಮಟ್ಟದ ಜನರ ಸಮಸ್ಯೆಗಳು ಎಂಬುದನ್ನು ನಾವು ಗಮನಿಸಬೇಕಾಗಿದೆ.

ನಿನ್ನೆ ದಿವಸ ಹಿಂದುಳಿದ ವರ್ಗಗಳ ಸಂಘ ಗಳಿಗೆ ಕಳೆದ 25 ವರ್ಷಗಳಲ್ಲಿ ಅರ್ಜಿ ಸಲ್ಲಿಸಿದ್ದರೂ ಜಾಗ ಸಿಗದೇ ಇರುವ ಅಂಶವನ್ನು ಹಾಗೂ ಅಧಿಕಾರಿಗಳು ಸರ್ಕಾರೇತರ ಸಂಸ್ಥೆಗಳನ್ನು ಖಾಸಗಿ ಸಂಸ್ಥೆಗಳು ಎಂದು ನಮೂದಿಸಿ ತಿರಸ್ಕರಿಸುವ ಬಹುಮುಖ್ಯವಾದ ಅಂಶವನ್ನು ಸದನದಲ್ಲಿ ಎತ್ತಿ, ಕಾನೂನಿನಲ್ಲಿ ಹೊಸ ಬದಲಾವಣೆಗೆ ಆ ಮೂಲಕ ನಾಂದಿ ಹಾಡಿರುವುದು ಹರೀಶ್ ಕುಮಾರ್ ರವರ ಜನಪರ ಕಾಳಜಿಗೆ ಬಹುದೊಡ್ಡ ಕನ್ನಡಿಯಾಗಿದೆ. ಮಡಿಕೇರಿ ಬಿಲ್ಲವ ಸಂಘ, ಕಾವೂರು ಬಿಲ್ಲವ ಸಂಘ, ಕುಲಾಲ, ವಿಶ್ವಕರ್ಮ ಸಂಘಗಳು ಸಂಘದ ಜಾಗಕ್ಕಾಗಿ 25 ವರ್ಷಗಳಿಂದ ಸತತವಾಗಿ ಅರ್ಜಿ ಸಲ್ಲಿಸುತ್ತಿರುವ ವಿಷಯಗಳನ್ನು ಅವರು ಎತ್ತಿರುವುದು ಅವರ ಜನಪರ ನಿಲುವಿಗೆ ಸಾಕ್ಷಿಯಾಗಿದೆ. ಇದು ಒಂದು ಉದಾಹರಣೆ ಅಷ್ಟೇ.