ಅವಿಭಜಿತ ದ.ಕ. ವಕೀಲರ ವೇದಿಕೆ ಬೆಂಗಳೂರು ಇದರ ನೂತನ ಅಧ್ಯಕ್ಷರಾಗಿ ಪ್ರವೀಣ್ ಮುಗುಳಿ ಆಯ್ಕೆ
ಬೆಂಗಳೂರು: ದಕ್ಷಿಣ ಕನ್ನಡ ಹಾಗೂ ಉಡುಪಿ ಜಿಲ್ಲೆಯ ವಕೀಲರ ವೇದಿಕೆ ಬೆಂಗಳೂರು ಇದರ ನೂತನ ಅಧ್ಯಕ್ಷರಾಗಿ ಪ್ರವೀಣ್ ಮುಗುಳಿ ಆಯ್ಕೆಯಾಗಿದ್ದಾರೆ. ಬೆಂಗಳೂರಿನ ಹೋಟೆಲ್ ಪರಾಗ್ ನಲ್ಲಿ ನಡೆದ ಸಭೆಯಲ್ಲಿ ನೂತನ ಪದಾಧಿಕಾರಿ ಆಯ್ಕೆಯನ್ನು ಘೋಷಿಸಲಾಗಿದೆ.
ಅಧ್ಯಕ್ಷರು :- ಶ್ರೀ ಪ್ರವೀಣ್ ಮುಗುಳಿ
ಕಾರ್ಯದರ್ಶಿ :- ಶ್ರೀಮತಿ ಶೈಲ ರಮೇಶ್
ಖಜಾಂಚಿ :- ಶ್ರೀ ಮೋಹಿತ್ ಗೌಡ
ಉಪಾಧ್ಯಕ್ಷರು :- ಶ್ರೀಮತಿ ಸಂದ್ಯಾ ಪ್ರಭು
ಸಂಘಟನಾ ಕಾರ್ಯದರ್ಶಿ :- ಶ್ರೀ ನವೀನ್ ಪಾದ್ಯಾಣ
ಸದಸ್ಯರು :-
1) ಶ್ರೀಮತಿ ಜಯಂತಿ ಸಾಲಿಗ್ರಾಮ
2) ಶ್ರೀ ಅಭಿಷೇಕ್ ಮಾರ್ಲ
3) ಶ್ರೀ ಉಧನೇಶ್ವರ್ ಭಟ್
4) ಶ್ರೀ ನಿಯಾಜ್ ಅಹ್ಮದ್
5) ಶ್ರೀ ಲೋಕೇಶ್ ಪಾಲ್ತಾಡಿ
6) ಶ್ರೀಮತಿ ಭಾರತಿ ಜಿ
ಬಡ ಕುಟುಂಬದ ಮಗಳ ಚಿಕಿತ್ಸೆಗೆ ನೆರವಾದ ರಿಪ್ಪನ್ ಪೇಟೆ ಪೊಲೀಸರು
ಶಿವಮೊಗ್ಗ: ಪೊಲೀಸರ (Police Help) ಜೊತೆ ಅತಿಯಾದ ವಿಶ್ವಾಸವು ಒಳ್ಳೆಯದಲ್ಲ, ಅತಿಯಾದ ವಿರೋಧವೂ ಒಳ್ಳೆಯದಲ್ಲ ಎಂಬ ಮಾತಿದೆ. ಆದರೆ ಇದಕ್ಕೆ ಅಪವಾದ ಎಂಬಂತೆ ಬಡ ಕುಟುಂಬದ ಕಷ್ಟಕ್ಕೆ ಪೊಲೀಸರ ಮನವು ಮಿಡಿದಿದೆ.
ಹೌದು. ಶಿವಮೊಗ್ಗ ಜಿಲ್ಲೆ ಹೊಸನಗರ ತಾಲೂಕಿನ ಗವಟೂರಿನ ಆಟೋ ಚಾಲಕ ದೇವಪ್ಪಗೌಡ ಅವರ ಪುತ್ರಿ ಅನಿತಾ ಕಳೆದ 36 ವರ್ಷಗಳಿಂದ ನರ ದೌರ್ಬಲ್ಯದಿಂದ ಬಳಲುತ್ತಿದ್ದಾರೆ. ಮೊದಲೇ ಬಡತನದಲ್ಲಿರುವ ಕುಟುಂಬ ಮಗಳ ಸಂಕಟ ನೋಡಲಾಗದೇ ಇಂದಲ್ಲ, ನಾಳೆ ಕಾಯಿಲೆ ವಾಸಿಯಾಗಬಹುದು ಎಂಬ ಆಶಾವಾದದಿಂದ ಸಾಲಸೋಲ ಮಾಡಿ ಲಕ್ಷಾಂತರ ರೂ ಖರ್ಚು ಮಾಡಿ ಅನೇಕ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಕೊಡಿಸಿದ್ದಾರೆ.
ತಮ್ಮ ದುಡಿಮೆಯ ಬಹುಪಾಲು ಹಣವನ್ನು ಮಗಳ ಚಿಕಿತ್ಸೆಗೆ ಖರ್ಚು ಮಾಡಿದ್ದಾರೆ. ಇದೀಗ ಆಸ್ಪತ್ರೆಗೆ ಚಿಕಿತ್ಸೆಗೆ ಕರೆದೊಯ್ಯಲು ಹಣ ಇಲ್ಲದೇ ಬಡ ಕುಟುಂಬ ಪರಿತಪಿಸುತ್ತಿತ್ತು. ಈ ವಿಷಯ ಅರಿತ ರಿಪ್ಪನ್ ಪೇಟೆ ಠಾಣೆಯ ಪೊಲೀಸ್ (Ripponpet Police Station) ಸಿಬ್ಬಂದಿ ಬಡ ಕುಟುಂಬಕ್ಕೆ ಆರ್ಥಿಕ ಸಹಾಯದ ನೆರವು ನೀಡಿ ಮಾನವೀಯತೆ ಮೆರೆದಿದೆ. ಆ ಮೂಲಕ ಕುಟುಂಬಕ್ಕೆ ಆತ್ಮಸ್ಥೈರ್ಯ ತುಂಬಿದ್ದಾರೆ.
