ಲೋಕಸಭೆ ಚುನಾವಣೆ ಬಿಸಿ ದಿನೇ ದಿನೇ ಏರುತ್ತಿದ್ದು ಕೆಲ ದಿನಗಳ ಹಿಂದೆ ಬಿಜೆಪಿ ಅಭ್ಯರ್ಥಿಯ ಘೋಷಣೆಯಾಗಿತ್ತು ಆದರೆ ಇದೀಗ ನಿನ್ನೆ ಕಾಂಗ್ರೆಸ್ ಅಭ್ಯರ್ಥಿಗಳ ಪಟ್ಟಿಯು ಬಿಡುಗಡೆಯಾಗಿದೆ. ಕಾಂಗ್ರೆಸ್ ನಿಂದ ಯಾರಿಗೆ ಟಿಕೆಟ್ ಸಿಗಬಹುದು ಎಂಬ ಕುತೂಹಲವಿತ್ತು. ಆದರೆ ಇದೀಗ ಕಾಂಗ್ರೆಸ್ ನ ಶಾಮನೂರು ಶಿವಶಂಕರಪ್ಪ ಕುಟುಂಬಕ್ಕೆ ಟಿಕೆಟ್ ನೀಡಿದೆ. ಕ್ಷೇತ್ರದ ಇತಿಹಾಸ ತಿರುವು ಹಾಕಿದರೆ ಈವರೆಗೂ 12 ಚುನಾವಣೆ ನಡೆದಿದ್ದು ಎರಡು ಪಕ್ಷಗಳು ತಲಾ ಆರು ಬಾರಿ ಇಲ್ಲಿ ವಿಜಯ ಪತಾಕೆ ಹಾರಿಸಿವೆ ಐದು ಬಾರಿ ಎರಡೇ ಕುಟುಂಬ ಕಣದಲ್ಲಿ ಎದುರಾಳಿಯಾಗಿ ಸೆಣಸಾಡಿವೆ. ಈ ಬಾರಿ ಟಿಕೆಟ್ ನೀಡಿದ್ದರಿಂದ ಆರನೇ ಬಾರಿ ಈ ಎರಡು ಕುಟುಂಬವು ಮುಖಾಮುಖಿ ಆಗಲಿದ್ದು ಕ್ಷೇತ್ರದ ಫಲಿತಾಂಶ ಭಾರಿ ಕುತೂಹಲ ನೀಡಿದ್ದು, ಯಾರ ತೆಕ್ಕೆಗೆ ಗೆಲುವು ಬರಲಿದೆ ಎಂದು ಕಾದು ನೋಡಬೇಕಾಗಿದೆ.