ಬೆಂಗಳೂರು: ಮಾರ್ಚ್‌ 1ರಂದು ಬೆಂಗಳೂರಿನ ವೈಟ್‌ ಫೀಲ್ಡ್‌ನ ಸಮೀಪದ ಬ್ರೂಕ್‌ ಫೀಲ್ಡ್‌ನಲ್ಲಿರುವ ರಾಮೇಶ್ವರಂ ಕೆಫೆಯಲ್ಲಿ  ಬಾಂಬ್‌ ಇಟ್ಟ (Blast in Bengaluru) ದುಷ್ಕರ್ಮಿ, ಟೋಪಿವಾಲಾ ಬಾಂಬರ್‌ನ (Topiwala Bomber) ಪತ್ತೆಗೆ‌ ಸುಳಿವು ನೀಡುವವರಿಗೆ ರಾಷ್ಟ್ರೀಯ ತನಿಖಾ ದಳ (National Investigation Agency-NIA) 10 ಲಕ್ಷ ರೂ. ಬಹುಮಾನ ಘೋಷಣೆ (Rupees 10 lakhs prize) ಮಾಡಿದೆ. ಅದರ ಬೆನ್ನಿಗೇ ಹರ್ಷ ಎಂಬ ಕಲಾವಿದರೊಬ್ಬರು ಆ ದುಷ್ಟ ಹೇಗಿರಬಹುದು ಎಂಬ ಬಗ್ಗೆ ರೇಖಾಚಿತ್ರಗಳನ್ನು ರಚಿಸಲಾಗಿದೆ. ಅದರ ಜತೆಗೆ ಆತ ಬಿಎಂಟಿಸಿ ಬಸ್‌ನಲ್ಲಿ ಪ್ರಯಾಣಿಸುವ ವೇಳೆ ದಾಖಲಾದ ಒಂದು ಚಿತ್ರವೂ ಬಿಡುಗಡೆಯಾಗಿದೆ. ಈ ಚಿತ್ರಗಳು ಆರೋಪಿಯ ಚಹರೆಗೆ ಸಂಬಂಧಿಸಿ ಸಾಕಷ್ಟು ಸುಳಿವುಗಳನ್ನು ನೀಡುತ್ತಿದೆ. ಹೀಗಾಗಿ ಈ ಕಿರಾತಕನ ಬಂಧನದ ಕ್ಷಣಗಳು ಹತ್ತಿರವಾಗುತ್ತಿರುವುದು ಖಚಿತವಾಗಿದೆ.