ರಿಯಲ್ ಮಿ ನೋಟ್ 50ಯಿಂದ ಬಂತು ಮೊಟ್ಟ ಮೊದಲ ಸ್ಮಾರ್ಟ್ಫೋನ್ ; ಹೊಸ ನೋಟ್ 50 ಹೇಗಿದೆ?
ಪ್ರಸಿದ್ಧ ರಿಯಲ್ ಮಿ ಕಂಪನಿ ತನ್ನ ನೋಟ್ ಸರಣಿಯ ಅಡಿಯಲ್ಲಿ ಚೊಚ್ಚಲ ಸ್ಮಾರ್ಟ್ಫೋನ್ ರಿಯಲ್ ಮಿ ನೋಟ್ 50 ಅನ್ನು ಬಿಡುಗಡೆ ಮಾಡಿದೆ. ಇದೊಂದು ಬಜೆಟ್ ಪ್ರಿಯರಿಗಾಗಿ ತಯಾರು ಮಾಡಿರುವ ಫೋನಾಗಿದ್ದು, 90Hz ರಿಫ್ರೆಶ್ ದರದೊಂದಿಗೆ 6.74-ಇಂಚಿನ ಡಿಸ್ಪ್ಲೇಯನ್ನು ಹೊಂದಿದೆ. ಈ ಹೊಸ ರಿಯಲ್ ಮಿ ನೋಟ್ 50 (Realme Note 50) ಕಳೆದ ವರ್ಷದ ರಿಯಲ್ C51 ಫೋನಿನ ಹಲವಾರು ವೈಶಿಷ್ಟ್ಯಗಳನ್ನು ಹೋಲುತ್ತದೆ. ಡ್ಯುಯಲ್ ರಿಯರ್ ಕ್ಯಾಮೆರಾ ಘಟಕ, 5,000mAh ಬ್ಯಾಟರಿಯಿಂದ ಈ ಫೋನ್ ಬೆಂಬಲಿತವಾಗಿದೆ. ಇದರ ಬೆಲೆ, ಫೀಚರ್ಸ್ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ರಿಯಲ್ ಮಿ ನೋಟ್ 50 ಬೆಲೆ:
ರಿಯಲ್ ಮಿ ನೋಟ್ 50 ಸ್ಮಾರ್ಟ್ಫೋನ್ ಮೊದಲಿಗೆ ಫಿಲಿಫೈನ್ಸ್ನಲ್ಲಿ ರಿಲೀಸ್ ಆಗಿದೆ. ಇದರ 4GB RAM + 64GB ಸ್ಟೋರೇಜ್ ಆಯ್ಕೆಗಾಗಿ PHP 3,599 (ಸುಮಾರು ರೂ. 6,000) ಇದೆ. ಇದು ಮಿಡ್ನೈಟ್ ಬ್ಲ್ಯಾಕ್ ಮತ್ತು ಸ್ಕೈ ಬ್ಲೂ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ. ಈ ಹ್ಯಾಂಡ್ಸೆಟ್ ಪ್ರಸ್ತುತ ಫಿಲಿಪೈನ್ಸ್‌ನಲ್ಲಿ Shopee ಮತ್ತು ರಿಯಲ್ ಮಿಯ ಅಧಿಕೃತ ವಿತರಕರ ಮೂಲಕ ಮಾರಾಟದಲ್ಲಿದೆ. ಇನ್ನೂ ಕೆಲ ರಿಯಲ್ ಮಿ ನೋಟ್ ಫೋನುಗಳು ಈ ವರ್ಷದ ಕೊನೆಯಲ್ಲಿ ಬಿಡುಗಡೆಯಾಗಲಿವೆಯಂತೆ.
ರಿಯಲ್ ಮಿ ನೋಟ್ 50 ಫೀಚರ್ಸ್:
ಡ್ಯುಯಲ್ ಸಿಮ್ (ನ್ಯಾನೋ) ರಿಯಲ್ ಮಿ ನೋಟ್ 50 ಆಂಡ್ರಾಯ್ಡ್ 13-ಆಧಾರಿತ Realme UI T ಆವೃತ್ತಿಯಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು 6.7-ಇಂಚಿನ HD+ (720×1,600) ಡಿಸ್‌ಪ್ಲೇ, 90Hz ರಿಫ್ರೆಶ್ ರೇಟ್, 180Hz ಟಚ್ ಸ್ಯಾಂಪ್ಲಿಂಗ್ ರೇಟ್ ಹೊಂದಿದೆ. ಈ ಫೋನ್ 4GB RAM ಮತ್ತು 64GB ಅಂತರ್ಗತ ಸಂಗ್ರಹಣೆಯೊಂದಿಗೆ ಯುನಿಸಕ್ T612 ಚಿಪ್‌ನಿಂದ ನಡೆಸಲ್ಪಡುತ್ತದೆ.
ಕ್ಯಾಮೆರಾ ವಿಚಾರಕ್ಕೆ ಬಂದರೆ, ರಿಯಲ್ ಮಿ ನೋಟ್ 50 ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ. ಇದು 13-ಮೆಗಾಪಿಕ್ಸೆಲ್ ಪ್ರಾಥಮಿಕ ಶೂಟರ್ ಮತ್ತು ಸೆಕೆಂಡರಿ ಸಂವೇದಕವನ್ನು ಒಳಗೊಂಡಿರುತ್ತದೆ. ಸೆಲ್ಫಿಗಳು ಮತ್ತು ವಿಡಿಯೋ ಕರೆಗಳಿಗಾಗಿ, ಮುಂಭಾಗದಲ್ಲಿ 5 ಮೆಗಾಪಿಕ್ಸೆಲ್ ಕ್ಯಾಮೆರಾ ಇದೆ. ಈ ಹ್ಯಾಂಡ್ಸೆಟ್ IP54 ಧೂಳು ಮತ್ತು ನೀರಿನ ಪ್ರತಿರೋಧವನ್ನು ಹೊಂದಿದೆ.
ರಿಯಲ್ ಮಿ ನೋಟ್ 50 ಫೋನ್ 10W ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5,000mAh ಬ್ಯಾಟರಿಯನ್ನು ಪ್ಯಾಕ್ ಮಾಡಿದೆ. ಈ ಹೊಸ ನೋಟ್ ಫೋನ್‌ನಲ್ಲಿ ಕನೆಕ್ಟಿವಿಟಿ ಆಯ್ಕೆಗಳು 4G, Wi-Fi, ಬ್ಲೂಟೂತ್, GPS, 3.5mm ಆಡಿಯೋ ಜ್ಯಾಕ್ ಮತ್ತು USB ಟೈಪ್-C ಪೋರ್ಟ್ ಅನ್ನು ಒಳಗೊಂಡಿವೆ. ಇದು ದೃಢೀಕರಣಕ್ಕಾಗಿ ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಅನ್ನು ಪಡೆಯುತ್ತದೆ.
