ಜೆಫ್ರಿ ಬ್ರ್ಯಾಂಟ್ ಹೇಳೋದೇನು?ಆನ್‌ಲೈನ್‌ ಮೂಲಕ ತಾವು ರೆಡಿಮೇಡ್ ಮನೆ ಖರೀದಿರುವ ಬಗ್ಗೆ ಜೆಫ್ರಿ ಬ್ರ್ಯಾಂಟ್ ವಿವರಿಸುವುದು ಹೀಗೆ: ʼʼಯೂ ಟ್ಯೂಬರ್ ಒಬ್ಬರು ಅಮೆಜಾನ್ ರೆಡಿಮೇಡ್ ಮನೆಯನ್ನು ಅನ್‌ಬಾಕ್ಸಿಂಗ್‌ ಮಾಡುವುದನ್ನು ನಾನು ನೋಡಿದೆ. ಇದು ನನ್ನ ಗಮನ ಸೆಳೆಯಿತು. ಮಾತ್ರವಲ್ಲ ಬೆಲೆಯು ಕಡಿಮೆ ಎನಿಸಿತು. ಹೀಗಾಗಿ ಖರೀದಿಸಿದೆʼʼ ಎಂದು ಹೇಳಿದ್ದಾರೆ. ರೆಡಿಮೇಡ್ ಮನೆಗೆ ವಿದ್ಯುತ್ ಸಂಪರ್ಕ ಇನ್ನಷ್ಟೇ ಕಲ್ಪಿಸಬೇಕಾಗಿದೆ. ನಳ್ಳಿಗಳನ್ನೂ ಅಳವಡಿಸುವ ಕಾಮಗಾರಿ ಬಾಕಿ ಇದೆ ಎಂದು ತಿಳಿಸಿದ್ದಾರೆ. ಈ ರೆಡಿಮೇಡ್ ಮನೆಯಲ್ಲಿ ಅವರು ವಾಸಿಸುವುದಿಲ್ಲವಂತೆ. ವಸತಿ ರಹಿತರಿಗಾಗಿ ಇದನ್ನು ಬಳಸಲಾಗುತ್ತದೆ ಎಂದೂ ಅವರು ವಿವರಿಸಿದ್ದಾರೆ. ಸದ್ಯ ಅವರು ಈ ರೆಡಿಮೇಡ್ ಮನೆಯನ್ನು ಇರಿಸಲು ಅಗತ್ಯವಾದ ಸೂಕ್ತ ಜಾಗ ಖರೀದಿಗಾಗಿ ಚಿಂತನೆ ನಡೆಸುತ್ತಿದ್ದಾರೆ. ಈ ಬಗ್ಗೆ ರಿಯಲ್‌ ಎಸ್ಟೇಟ್‌ ಏಜೆಂಟ್‌ಗಳ ಜತೆ ಮಾತುಕತೆ ನಡೆಸುತ್ತಿರುವುದಾಗಿ ತಿಳಿಸಿದ್ದಾರೆ.