ಸತಾರಾ ಮೂಲದ ಹರಿಹರೇಶ್ವರ ಸಹಕಾರಿ ಬ್ಯಾಂಕ್‌ನ ವ್ಯವಹಾರವನ್ನು ಮುಚ್ಚುವ ಆದೇಶವು ಜುಲೈ 11, 2023ರಿಂದ ಜಾರಿಗೆ ಬಂದಿದೆ ಎಂದು ಕೇಂದ್ರೀಯ ಬ್ಯಾಂಕ್‌ ತಿಳಿಸಿದೆ. ಠೇವಣಿ ವಿಮೆ ಮತ್ತು ಕ್ರೆಡಿಟ್ ಗ್ಯಾರಂಟಿ ಕಾರ್ಪೊರೇಷನ್‌ನ ವಿಮೆ ಇರುವುದರಿಂದ ಬ್ಯಾಂಕ್‌ಗಳಲ್ಲಿರುವ 5 ಲಕ್ಷ ರೂ.ವರೆಗಿನ ಗ್ರಾಹಕರ ಠೇವಣಿ ಸುರಕ್ಷಿತವಾಗಿದೆ. 5 ಲಕ್ಷ ರೂ.ಗಿಂತ ಹೆಚ್ಚಿನ ಹಣವವನ್ನು ಠೇವಣಿ ಇಟ್ಟವರು ಈ ಮಿತಿಗಿಂತ ಮೇಲಿನ ಹಣವನ್ನು ಕಳೆದುಕೊಳ್ಳಲಿದ್ದಾರೆ.

ರಿಸರ್ವ್ ಬ್ಯಾಂಕ್ ಪ್ರಕಾರ ಹರಿಹರೇಶ್ವರ ಸಹಕಾರಿ ಬ್ಯಾಂಕ್‌ನ ಶೇ. 99.96ರಷ್ಟು ಠೇವಣಿದಾರರು ತಮ್ಮ ಒಟ್ಟು ಹಣವನ್ನು ಡಿಐಸಿಜಿಸಿಯಿಂದ ಪಡೆಯಲಿದ್ದಾರೆ. ಈ ಬ್ಯಾಂಕ್‌ನ ಗ್ರಾಹಕರು ಮಾರ್ಚ್ 8, 2023ರವರೆಗೆ ಡಿಐಸಿಜಿಸಿಯಿಂದ 57.24 ಕೋಟಿ ರೂ.ಗಳಷ್ಟು ಹಣವನ್ನು ಪಡೆದಿದ್ದಾರೆ. ಇನ್ನೊಂದೆಡೆ ಕರ್ನಾಟಕ ತುಮಕೂರಿನ ಶ್ರೀ ಶಾರದಾ ಮಹಿಳಾ ಸಹಕಾರಿ ಬ್ಯಾಂಕ್‌ನ ಸುಮಾರು ಶೇ. 97.82ರಷ್ಟು ಠೇವಣಿದಾರರು ಡಿಐಸಿಜಿಸಿಯಿಂದ ಪೂರ್ಣ ಮರುಪಾವತಿಯನ್ನು ಪಡೆಯಲಿದ್ದಾರೆ. ಜೂನ್ 12, 2023 ರವರೆಗೆ ಡಿಐಸಿಜಿಸಿ ಈ ಬ್ಯಾಂಕ್‌ನ ಗ್ರಾಹಕರಿಗೆ 15.06 ಕೋಟಿ ರೂ.ಗಳನ್ನು ಮರಳಿಸಿದೆ.