Pope Francis : ಇಸ್ರೇಲ್-ಹಮಾಸ್ ಕದನ ವಿರಾಮ ಅಂತ್ಯ ಎಂದರೆ 'ಸಾವು, ವಿನಾಶ ಮತ್ತು ದುಃಖ' - ಪೋಪ್ ಫ್ರಾನ್ಸಿಸ್
ಪೋಪ್ ಫ್ರಾನ್ಸಿಸ್ (Pope Francis) ಭಾನುವಾರ ಇಸ್ರೇಲ್ ಮತ್ತು ಹಮಾಸ್ (Israel and Hamas) ನಡುವಿನ ಕದನ ವಿರಾಮ ಮುರಿದುಹೋಗಿರುವುದನ್ನು ನೋಡುವುದು “ನೋವು” ಎಂದು ಹೇಳಿದರು ಮತ್ತು ಒಳಗೊಂಡಿರುವ ಎಲ್ಲಾ ಪಕ್ಷಗಳು “ಸಾಧ್ಯವಾದಷ್ಟು ಬೇಗ” ಹೊಸ ಕದನ ವಿರಾಮವನ್ನು ಮರು ಸ್ಥಾಪಿಸುವರು ಎಂದು ಭರವಸೆ ವ್ಯಕ್ತಪಡಿಸಿದರು.
ಇಸ್ರೇಲಿ ಒತ್ತೆಯಾಳುಗಳು ಮತ್ತು ಪ್ಯಾಲೇಸ್ಟಿನಿಯನ್ ಕೈದಿಗಳ ವಿನಿಮಯಕ್ಕೆ ಅವಕಾಶ ನೀಡಿದ ಇಸ್ರೇಲಿ ಪಡೆಗಳು (Israeli forces) ಮತ್ತು ಹಮಾಸ್ ನಡುವಿನ ಹೋರಾಟದಲ್ಲಿ ಏಳು ದಿನಗಳ ವಿರಾಮ ಶುಕ್ರವಾರ ಅಂತ್ಯಗೊಂಡಿದೆ. ಭಾನುವಾರ ಇಸ್ರೇಲ್ ತನ್ನ ಬಾಂಬ್ ದಾಳಿಯ ಕಾರ್ಯಾಚರಣೆಯನ್ನು ಇನ್ನಷ್ಟು ಹೆಚ್ಚಿಸಿದೆ.
ಅಕ್ಟೋಬರ್ 7 ರಂದು ದಕ್ಷಿಣ ಇಸ್ರೇಲ್ ಮೇಲೆ ಹಮಾಸ್ ದಾಳಿಯ ನಂತರ ಭುಗಿಲೆದ್ದ ಸಂಘರ್ಷದಲ್ಲಿ 1,200 ಇಸ್ರೇಲಿಗಳು (Israelis) ಕೊಲ್ಲಲ್ಪಟ್ಟರು ಮತ್ತು 200 ಕ್ಕೂ ಹೆಚ್ಚು ಜನರನ್ನು ಒತ್ತೆಯಾಳುಗಳಾಗಿ ತೆಗೆದುಕೊಂಡರು. ಪ್ಯಾಲೆಸ್ಟೀನಿಯನ್ ಅಧಿಕಾರಿಗಳ (Palestinian officials) ಪ್ರಕಾರ ಭಾನುವಾರದ ವೇಳೆಗೆ 15,400 ಕ್ಕೂ ಹೆಚ್ಚು ಪ್ಯಾಲೆಸ್ಟೀನಿಯನ್ನರು ಕೊಲ್ಲಲ್ಪಟ್ಟರು.
“ಕದನ ವಿರಾಮ ಮುರಿದು ಹೋಗಿರುವುದು ನೋವಿನ ಸಂಗತಿಯಾಗಿದೆ. ಇದರರ್ಥ ಸಾವು, ವಿನಾಶ ಮತ್ತು ದುಃಖ” (death, destruction and misery) ಎಂದು ಪೋಪ್ ಫ್ರಾನ್ಸಿಸ್ ಹೇಳಿದರು. ಪೋಪ್ ಅವರ ಅನಾರೋಗ್ಯದ ಕಾರಣ ಅವರ ಸಹಾಯಕರೊಬ್ಬರು ಭಾನುವಾರದಂದು ಏಂಜೆಲಸ್ ನಲ್ಲಿ ಪ್ರಾರ್ಥನೆಯ ಸಮಯದಲ್ಲಿ ಈ ಸಂದೇಶವನ್ನು ಓದಿ ಹೇಳಿದರು.
“ಅನೇಕ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಲಾಗಿದೆ ಆದರೆ ಅನೇಕರು ಇನ್ನೂ ಗಾಜಾದಲ್ಲಿದ್ದಾರೆ. ನಾವು ಅವರ ಬಗ್ಗೆ, ಅವರ ಕುಟುಂಬಗಳ ಬಗ್ಗೆ ಯೋಚಿಸುತ್ತೇವೆ, ಅವರು ತಮ್ಮ ಪ್ರೀತಿಪಾತ್ರರನ್ನು ಮತ್ತೆ ಅಪ್ಪಿಕೊಳ್ಳುವ ಭರವಸೆಯನ್ನು ಕಂಡಿದ್ದಾರೆ.”
“ಗಾಜಾದಲ್ಲಿ ಬಹಳಷ್ಟು ಸಂಕಟಗಳಿವೆ, ಮೂಲಭೂತ ಅವಶ್ಯಕತೆಗಳ ಕೊರತೆಯಿದೆ”, “ಸಂಬಂಧಿಸಿದವರೆಲ್ಲರೂ ಸಾಧ್ಯವಾದಷ್ಟು ಬೇಗ ಕದನ ವಿರಾಮಕ್ಕಾಗಿ ಹೊಸ ಒಪ್ಪಂದವನ್ನು ತಲುಪಬಹುದು ಎಂದು ನಾನು ಭಾವಿಸುತ್ತೇನೆ” ಎಂದು ಎಂದು ಪೋಪ್ ಫ್ರಾನ್ಸಿಸ್ ಹೇಳಿದರು.
ಶ್ವಾಸಕೋಶದ ಉರಿಯುತ್ತದಿಂದ ಪೋಪ್ ಫ್ರಾನ್ಸಿಸ್ ಅವರು ಚೇತರಿಸಿಕೊಳ್ಳುತ್ತಿರುವ ಕಾರಣ ದುಬೈ ಪ್ರವಾಸವನ್ನು ರದ್ದುಗೊಳಿಸಿದ್ದಾರೆ ಅಂತೇಯೇ ಸಾರ್ವಜನಿಕ ಭಾಷಣ ಮತ್ತು ಭೇಟಿಯಾನ್ನು ಕಡಿಮೆ ಮಾಡಿದ್ದಾರೆ.
“ಆತ್ಮೀಯ ಸಹೋದರ ಸಹೋದರಿಯರೇ, ಶುಭೋದಯ. ಇಂದು ಕೂಡ ನಾನು ಎಲ್ಲವನ್ನೂ ಓದಲು ಸಾಧ್ಯವಾಗುವುದಿಲ್ಲ. ನಾನು ಉತ್ತಮವಾಗುತ್ತಿದ್ದೇನೆ, ಆದರೆ ನನ್ನ ಧ್ವನಿ ಇನ್ನೂ ಚೇತರಿಸಿಕೊಂಡಿಲ್ಲ (ಚೆನ್ನಾಗಿಲ್ಲ)” ಎಂದು ಏಂಜೆಲಸ್ ಆರಂಭದಲ್ಲಿ ಫ್ರಾನ್ಸಿಸ್ ಹೇಳಿದರು.
