ಬುಧವಾರವೂ ಪೇಟಿಎಂ ಷೇರು ಏರಿಕೆ

ಮೂರು ದಿನಗಳ ತೀವ್ರ ಕುಸಿತದ ನಂತರ ಪೇಟಿಎಂ ಬ್ರ್ಯಾಂಡ್‌ನ ಮಾಲೀಕತ್ವ ಹೊಂದಿರುವ ಒನ್‌97 ಕಮ್ಯುನಿಕೇಶನ್ಸ್‌ ಲಿಮಿಟೆಡ್‌ನ ಷೇರುಗಳು ಮಂಗಳವಾರ ಚೇತರಿಸಿಕೊಂಡಿದ್ದವು. ಬಿಎಸ್‌ಇಯಲ್ಲಿ ದಿನದಂತ್ಯಕ್ಕೆ ಶೇ. 3.02 ಏರಿಕೆಯಾಗಿ 451.60 ರೂ.ಗೆ ವಹಿವಾಟು ಮುಗಿಸಿದ್ದವು. ಕಂಪನಿಯ ಷೇರುಗಳು ಎನ್‌ಎಸ್‌ಇಯಲ್ಲಿ ಶೇ. 3.26ರಷ್ಟು ಏರಿಕೆ ಕಂಡು 452.80 ರೂ.ನಲ್ಲಿ ಸ್ಥಿರವಾಗಿದ್ದವು.ಇದೀಗ ಬುಧವಾರವೂ ಕಂಪನಿ ಷೇರುಗಳು ಗಳಿಕೆ ದಾಖಲಿಸಿವೆ. ಬುಧವಾರ ಮಧ್ಯಾಹ್ನ 2.17ರ ಹೊತ್ತಿಗೆ ಕಂಪನಿ ಷೇರುಗಳು 45.10 ರೂ. ಅಥವಾ ಶೇ. 10 ರಷ್ಟು ಗಳಿಕೆ ಕಂಡು 496.25 ರೂ.ನಲ್ಲಿ ಲಾಕ್ ಆಗಿದ್ದವು.