ಮಿಸ್ ವರ್ಲ್ಡ್ 2024 ಸ್ಪರ್ಧೆ ಭಾರತದಲ್ಲಿ ಸಾಕಷ್ಟು ಕುತೂಹಲ ಸೃಷ್ಟಿಸಿದೆ. ಅಷ್ಟೇ ಅಲ್ಲ ಕನ್ನಡಿಗರಿಗೆ ಸಂತಸವನ್ನೂ ತಂದೊಡ್ಡಿದೆ. ಯಾಕೆಂದರೆ ಈ ಭಾರಿ Miss World 2024ರಲ್ಲಿ ಭಾರತವನ್ನು ಪ್ರತಿನಿಧಿಸುತ್ತಿರುವ ಸುಂದರಿ ಬೇರ್ಯಾರೂ ಅಲ್ಲ, ತುಳುವ ಕುವರಿ ಸಿನಿ ಶೆಟ್ಟಿ. ಸಿನಿ ಶೆಟ್ಟಿ ಮಹಾರಾಷ್ಟ್ರದ ಮುಂಬೈನಲ್ಲಿ ಹುಟ್ಟಿ ಬೆಳೆದವರು. ಆದರೆ ಅವರ ಮೂಲ ಕರ್ನಾಟಕ. ಅಂದ್ರೆ ತುಳುನಾಡು. ಆಗಾಗ ಮಂಗಳೂರಿಗೆ ಬಂದು ದೈವಗಳಿಗೆ ತಲೆಬಾಗುವ ತುಳುವ ಪೊಣ್ಣು ಸಿನಿ ಶೆಟ್ಟಿ, ತಾನು ಬೇರೆ ರಾಜ್ಯದಲ್ಲಿ ಹುಟ್ಟಿ ಬೆಳೆದರೂ ತನ್ನ ಮಾತೃಭಾಷೆ ತುಳುವನ್ನು ಸರಾಗವಾಗಿ ಮಾತಾಡಿ ಭಾಷಾ ಪ್ರೇಮ ಮೆರೆಯುತ್ತಾರೆ.