ಸುಟ್ಟಗಾಯಗಳ ಪರಿಣಾಮ ಇಬ್ಬರು ಮೃತಪಟ್ಟರೆ, ಮೂರನೆ ಹೊಗೆ ಸೇವಿಸಿ ಸಾವಿಗೀಡಾಗಿದ್ದಾರೆ. ಅಲ್ಲಿ ಸುತ್ತಲೂ ಹೊಗೆ ಆವರಿಸಿದ್ದು ಸಿಲುಕಿರುವವರನ್ನು ರಕ್ಷಿಸಲು ಸವಾಲಾಗಿತ್ತು ಎಂದು ಪ್ರಭಾರಿ ವಿಭಾಗೀಯ ಅಗ್ನಿಶಾಮಕ ಅಧಿಕಾರಿ ಪುರುಷೋತ್ತಮ್ ಸಂಡಿಕರ್ ಘಟನೆಯನ್ನು ವಿವರಿಸಿದ್ದಾರೆ.

ಮುಂಬೈನ ಅಂಧೇರಿಯ ಲೋಖಂಡವಾಲಾ ಕಾಂಪ್ಲೆಕ್ಸ್‌ನ (Lokhandwala Complex) ಹತ್ತಿರ ಪ್ರದೇಶದಲ್ಲಿ ಒಂದು ತಿಂಗಳ ಅವಧಿಯಲ್ಲಿ ಇದು ಎರಡನೇ ಬೆಂಕಿ ಅವಘಡವಾಗಿದೆ. ಸೆಪ್ಟೆಂಬರ್ 19 ರಂದು, ಕಾಂಪ್ಲೆಕ್ಸ್‌ನಲ್ಲಿರುವ ಬಂಗಲೆಯಲ್ಲಿ ಬೆಂಕಿ ಕಾಣಿಸಿಕೊಂಡಿತು. ಘಟನೆಯಲ್ಲಿ ಯಾವುದೇ ಗಾಯಗಳಾಗಿರುವ ಬಗ್ಗೆ ವರದಿಯಾಗಿಲ್ಲ. ಆದರೆ, ಬಂಗಲೆಯಲ್ಲಿ ಬೆಂಕಿ ಕಾಣಿಸಿಕೊಂಡಿರುವ ವಿಡಿಯೋ ಅಂತರ್ಜಾಲದಲ್ಲಿ ಕಾಣಿಸಿಕೊಂಡಿದ್ದು, ದಟ್ಟ ಹೊಗೆ ಆವರಿಸಿದ್ದು, ಲೋಖಂಡವಾಲಾ ಕಾಂಪ್ಲೆಕ್ಸ್‌ನ (Lokhandwala Complex) ನಿವಾಸಿಗಳಲ್ಲಿ ಭಯ ಹುಟ್ಟಿಸಿದೆ. ಬಂಗಲೆ ನಂ.11, ಕ್ರಾಸ್ ರೋಡ್ ನಂ 2, ಸ್ಟೆಲ್ಲರ್ ಬಂಗಲೆ, ಲೋಖಂಡವಾಲಾ ಕಾಂಪ್ಲೆಕ್ಸ್, ಅಂಧೇರಿ ಪಶ್ಚಿಮದಲ್ಲಿ ಈ ಘಟನೆ ನಡೆದಿತ್ತು.