ಬೈಂದೂರು: ಒತ್ತಿನಣೆಯಲ್ಲಿ ಮತ್ತೆ ಗುಡ್ಡಕುಸಿತ ಆರಂಭ-ವಾಹನ ಸವಾರದಲ್ಲಿ ಆತಂಕ

ಬೈಂದೂರು, : ಶಿರೂರು ಹೆದ್ದಾರಿಯ ನಡುವಿನ ಒತ್ತಿನಣೆಯಲ್ಲಿ ಮತ್ತೆ ಗುಡ್ಡಕುಸಿತ ಆರಂಭವಾಗಿದೆ. ಕಳೆದ ಮೂರುನಾಲ್ಕು ದಿನಗಳಿಂದ ಗುಡ್ಡ ಅಲ್ಲಲ್ಲಿ ಕುಸಿಯುತ್ತಿದ್ದು ರವಿವಾರವೂ ಕೂಡಾ ಗುಡ್ಡ ಕುಸಿತವಾಗಿದೆ. ರವಿವಾರ ರಾತ್ರಿ ಮತ್ತೆ ಕುಸಿತವಾಗಿದ್ದು ಸೋಮವಾರ ಬೆಳಿಗ್ಗೆ ರಸ್ತೆಗೆ ಜಾರಿರುವ ಮಣ್ಣನ್ನು ತೆರವುಗೊಳಿಸಲಾಯಿತು.

ಈ ಭಾಗದಲ್ಲಿ ಮತ್ತೆ ಕೂಡಾ ಗುಡ್ಡ ಕುಸಿಯುವ ಸಾಧ್ಯತೆಗಳಿವೆ. ಮೇಲ್ವಾಗ ಮತ್ತಷ್ಟು ಕುಸಿಯುವ ಸಾಧ್ಯತೆಗಳು ದಟ್ಟವಾಗಿದೆ. ಅರಣ್ಯ ಇಲಾಖೆಯ ವ್ಯಾಪ್ತಿಯ ಸ್ಥಳವಾಗಿರುವುದರಿಂದ ಕುಸಿಯಲ್ಪಡುವ ಪ್ರದೇಶವನ್ನು ತೆರವು ಮಾಡಲು ಸಮಸ್ಯೆಯಾಗುತ್ತದೆ. ಹಾಗಾಗಿ ಕೆಳಭಾಗದಲ್ಲಿ ಕಾಂಕ್ರೆಟಿನ ಬಂಡ್‍ಗಳನ್ನು ಇಟ್ಟು ಕುಸಿದ ಮಣ್ಣು ರಸ್ತೆಗೆ ಅಪ್ಪಳಿಸದಂತೆ ಸುರಕ್ಷಿತ ಕ್ರಮಗಳ ಕೈಗೊಳ್ಳಲಾಗುತ್ತಿದೆ. ಆದರೂ ಕೂಡ ಮೇಲ್ಭಾಗದ ಅಪಾಯದ ಮುನ್ಸೂಚನೆ ನೀಡುತ್ತಿದ್ದು ಅಪಾಯ ಕಟ್ಟಿಟ್ಟ ಬುತ್ತಿ.