ಭಾನುವಾರ, ಏಪ್ರಿಲ್ 21, 2024
ಬಂಟ್ವಾಳದಲ್ಲಿ ಮತ್ತೊಬ್ಬ ಬಿಲ್ಲವ ನಾಯಕನನ್ನು ಸೆಳೆದ ಬಿಜೆಪಿ. ಪುರಸಭಾ ಸದಸ್ಯ ಗಂಗಾಧರ ಪೂಜಾರಿ ಬಿಜೆಪಿ ಸೇರ್ಪಡೆ!-ಕಾಂಗ್ರೆಸ್ ಅಭ್ಯರ್ಥಿ ಡಿ ಕೆ ಸುರೇಶ್ ಪರ ಇಂದು ದರ್ಶನ್ ಬೃಹತ್ ರೋಡ್ ಶೋ..!-ನದಿಯಲ್ಲಿ ದೋಣಿ ಮುಳುಗಿ ಇಬ್ಬರ ಸಾವು; 7 ಮಂದಿ ನಾಪತ್ತೆ..!-ಇಂದು ಬೆಂಗಳೂರು ಮತ್ತು ಚಿಕ್ಕಬಳ್ಳಾಪುರಕ್ಕೆ ಮೋದಿ ಆಗಮನ..!-Rain Alert: ಕರಾವಳಿ ಮತ್ತು ಮಲೆನಾಡು ಸೇರಿದಂತೆ ರಾಜ್ಯದ ಹಲವೆಡೆ ಇಂದು ಮತ್ತು ನಾಳೆ ಗುಡುಗು ಸಹಿತ ಮಳೆ ಮುನ್ಸೂಚನೆ..!-ಅರವಿಂದ್ ಕೇಜ್ರಿವಾಲ್ ರನ್ನು ಜೈಲಿನಲ್ಲೇ ಹತ್ಯೆಗೆ ಸಂಚು ಮಾಡಲಾಗುತ್ತಿದೆ; ಎಎಪಿ ನಾಯಕಿ ಅತಿಶಿ ಆರೋಪ.!-ಭಾರತೀಯ ನೌಕಾಪಡೆಯ ನೂತನ ಮುಖ್ಯಸ್ಥರಾಗಿ ದಿನೇಶ್ ಕೆ. ತ್ರಿಪಾಠಿ ನೇಮಕ-ಇಂದು ಮೊದಲ ಹಂತದ ಲೋಕಸಭಾ ಚುನಾವಣೆ ಆರಂಭ ; ಯಾವೆಲ್ಲಾ ರಾಜ್ಯಗಳಲ್ಲಿ.!-ಮಲ್ಪೆ: ಸಮುದ್ರದ ಅಲೆಗಳ ಹೊಡೆತಕ್ಕೆ ಸಿಲುಕಿದ ಮೂವರು ; ಓರ್ವ ಸಾವು.!-ಹಾಡಹಗಲೇ ಕಾಂಗ್ರೆಸ್ ಕಾರ್ಪೊರೇಟರ್ ಪುತ್ರಿಯನ್ನು ಚಾಕುವಿನಿಂದ ಇರಿದು ಬರ್ಬರ ಕೊಲೆ..!
ಬ್ರೇಕಿಂಗ್ ನ್ಯೂಸ್
{"ticker_effect":"slide-v","autoplay":"true","speed":3000,"font_style":"normal"}

Select Lanuage:

ನಟಿ ಊರ್ಮಿಳಾ ಸಾಫ್ಟ್‌ ಪೋರ್ನ್‌ ಸ್ಟಾರ್ ಎಂಬ ಹೇಳಿಕೆ ಸಮರ್ಥಿಸಿಕೊಂಡ ಕಂಗನಾ ರಣಾವತ್..!

Twitter
Facebook
LinkedIn
WhatsApp
ನಟಿ ಊರ್ಮಿಳಾ ಸಾಫ್ಟ್‌ ಪೋರ್ನ್‌ ಸ್ಟಾರ್ ಎಂಬ ಹೇಳಿಕೆ ಸಮರ್ಥಿಸಿಕೊಂಡ ಕಂಗನಾ ರಣಾವತ್..!
ಹೊಸ ದಿಲ್ಲಿ: ನಟಿ ಊರ್ಮಿಳಾ ಮಾತೋಂಡ್ಕರ್ ಅವರನ್ನು ‘ಸಾಫ್ಟ್‌ ಪೋರ್ನ್‌ ಸ್ಟಾರ್’ ಎಂದು ಲೇವಡಿ ಮಾಡಿದ ತಮ್ಮ ಹೇಳಿಕೆಗೆ ಬದ್ಧವಾಗಿ ಇರೋದಾಗಿ ನಟಿ ಕಂಗನಾ ರಾಣಾವತ್ ಹೇಳಿದ್ದಾರೆ. ಹಿಮಾಚಲ ಪ್ರದೇಶದ ಮಂಡಿ ಲೋಕಸಭಾ ಕ್ಷೇತ್ರದ ಸಂಸದೆಯೂ ಆಗಿರುವ ಕಂಗನಾ ರಾಣಾವತ್ ಅವರು ನಟಿ ಊರ್ಮಿಳಾ ಮಾತಾಂಡ್ಕರ್‌ಗೆ ಆ ಪಾತ್ರ ಹಿತಕರ ಎನಿಸುತ್ತೆ ಎಂದು ಹೇಳಿದ್ದಾರೆ. ಅಷ್ಟೇ ಅಲ್ಲ, ನೀಲಿ ಚಿತ್ರ ನಟಿ ಅಥವಾ ಸಾಫ್ಟ್‌ ಪೋರ್ನ್‌ ನಟಿ ಎಂದು ಹೇಳೋದು ಅಷ್ಟೇನೂ ಆಕ್ಷೇಪಾರ್ಹ ಹೇಳಿಕೆ ಅಲ್ಲ ಎಂದೂ ಹೇಳಿದ್ದಾರೆ.

ಕೆಲವು ನಟಿಯರನ್ನು ತಂದೂರಿ ಕೋಳಿ, ಐಟಮ್ ಗರ್ಲ್, ಶೀಲಾ ಕಿ ಜವಾನಿ ಎಂದೆಲ್ಲಾ ಕರೆಯಲಾಗುತ್ತದೆ. ಆ ಪದಗಳು ಕೆಲವು ನಟಿಯರಿಗೆ ಅಹಿತಕರ ಎನಿಸೋದಿಲ್ಲ. ಹೀಗಾಗಿ ನನ್ನ ಹೇಳಿಕೆ ಆಕ್ಷೇಪಾರ್ಹ ಏಕಾಗುತ್ತೆ ಎಂದು ಕಂಗನಾ ರಾಣಾವತ್ ಪ್ರಶ್ನಿಸಿದ್ದಾರೆ. ಅವರು ಆ ರೀತಿಯ ಹೆಸರುಗಳ ವಿಚಾರದಲ್ಲಿ ಖುಷಿಯಾಗಿದ್ದರೆ, ಅದನ್ನು ನಾಚಿಕೆಗೇಡಿನ ಸಂಗತಿ ಎಂದು ಏಕೆ ಭಾವಿಸಬೇಕು? ಊರ್ಮಿಳಾ ಮಾತೋಂಡ್ಕರ್ ವಿಚಾರವನ್ನೇ ಹೇಳೋದಾದರೆ ನಾನು ಅವರಿಗೆ ವೈಯಕ್ತಿವಾಗಿ ನಿಂದಿಸುವ ಯಾವುದೇ ಉದ್ದೇಶ ಹೊಂದಿಲ್ಲ. ಏಕೆಂದರೆ ಊರ್ಮಿಳಾ ಅವರು ಆ ಪಾತ್ರದಲ್ಲಿ ಖುಷಿಯಾಗಿದ್ದಾರೆ ಎಂದು ಕಂಗನಾ ರಾಣಾವತ್ ಹೇಳಿದ್ಧಾರೆ.

ಕಾಂಗ್ರೆಸ್ ನಾಯಕಿಯೂ ಆಗಿರುವ ಊರ್ಮಿಳಾ ಮಾತೋಂಡ್ಕರ್ ವಿರುದ್ಧ 2020ರಲ್ಲಿ ಕಂಗನಾ ರಾಣಾವತ್ ಅವರು ವಿವಾದಾತ್ಮಕ ಹೇಳಿಕೆ ನೀಡಿದ್ದರು. ಈ ವಿವಾದದ ಕುರಿತಾಗಿ ಇದೀಗ ಪತ್ರಕರ್ತರು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಕಂಗನಾ ರಾಣಾವತ್, ತಾವು ತಮ್ಮ ಸಿನಿಮಾಗಳಲ್ಲಿ ಪಾತ್ರಗಳ ಆಯ್ಕೆ ವೇಳೆ ಆದಷ್ಟೂ ಸಮತೋಲನ ಕಾಯ್ದುಕೊಂಡಿದ್ದಾಗಿ ಸಮರ್ಥಿಸಿಕೊಂಡಿದ್ದಾರೆ. ನಾನು ಎಂದಿಗೂ ಐಟಂ ಡ್ಯಾನ್ಸ್‌ ಮಾಡಲಿಲ್ಲ. ಆದರೆ ಊರ್ಮಿಳಾ ಮಾತೋಂಡ್ಕರ್ ಅವರು ಅವರ ಸಿನಿಮಾ ಜೀವನದ ರೀತಿಯದ್ದೇ ಆದ ಪಕ್ಷವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ ಎಂದು ಕಂಗನಾ ರಾಣಾವತ್ ಟಾಂಗ್ ಕೊಟ್ಟಿದ್ದಾರೆ.

2020ರಲ್ಲಿ ಕಂಗನಾ ರಾಣಾವತ್ ಅವರು ಊರ್ಮಿಳಾ ಮಾತೋಂಡ್ಕರ್ ಅವರನ್ನು ಸಾಫ್ಟ್ ಪೋರ್ನ್‌ ಸ್ಟಾರ್ ಎಂದು ಹೇಳಿದ ಹೇಳಿಕೆಯ ವಿಡಿಯೋ ಇದೀಗ ಭಾರೀ ವೈರಲ್ ಆಗಿದೆ. ಅದೂ ಕೂಡಾ ಕಾಂಗ್ರೆಸ್ ನಾಯಕಿ ಸುಪ್ರಿಯಾ ಶ್ರಿನೇಟ್ ಅವರು ಕಂಗನಾ ಅವರನ್ನು ಕುರಿತು ನೀಡಿದ್ದಾರೆ ಎನ್ನಲಾದ ಹೇಳಿಕೆ ವಿವಾದಕ್ಕೆ ಕಾರಣವಾದ ಹಿನ್ನೆಲೆಯಲ್ಲಿ ಕಂಗನಾ ಅವರ ಹಳೆ ಹೇಳಿಕೆಯ ವಿಡಿಯೋ ಇದೀಗ ವೈರಲ್ ಆಗಿದೆ.
ಆ ಹೇಳಿಕೆ ನೀಡಿದ ವೇಳೆಯಲ್ಲೇ ಸನ್ನಿ ಲಿಯೋನ್ ಅವರನ್ನೂ ನೆನಪಿಸಿದ್ದ ಕಂಗನಾ ರಾಣಾವತ್, ಇಡೀ ವಿಶ್ವದಲ್ಲೇ ನೀಲಿ ಚಿತ್ರ ತಾರೆಯರಿಗೆ ಎಲ್ಲಿಯೂ ಸಿಗದಷ್ಟು ಗೌರವ ಭಾರತದಲ್ಲಿ ಸಿಕ್ಕಿದೆ ಎಂದಿದ್ದರು. ಅದಕ್ಕೆ ಉದಾಹರಣೆಯಾಗಿ ಸನ್ನಿ ಲಿಯೋನ್ ಹೆಸರನ್ನು ಸ್ಮರಿಸಿದ್ದರು.
ಸಾಫ್ಟ್‌ ಪೋರ್ನ್‌ ಅಥವಾ ಪೋರ್ನ್‌ ಸ್ಟಾರ್ ಅನ್ನೋ ಪದಗಳು ಆಕ್ಷೇಪಾರ್ಹ ಪದಗಳೇ ಎಂದು ಕೇಳಿದ್ದ ಕಂಗನಾ ರಾಣಾವತ್, ಅವರೆಲ್ಲವೂ ಕೇವಲ ಪದಗಳಷ್ಟೇ. ಆದರೆ ಸಾಮಾಜಿಕವಾಗಿ ಸಮ್ಮತಾರ್ಹ ಪದಗಳಲ್ಲ ಎಂದು ಕಂಗನಾ ರಾಣಾವತ್ ಹೇಳಿದ್ದರು.

ಇದಕ್ಕೆ ಸಂಬಂಧಿಸಿದ ಇತರ ಸುದ್ದಿಗಳು

ಕರಾವಳಿ