ಕೆಲವು ದಿನಗಳಲ್ಲೆ ಬೆಂಗಳೂರಿನಲ್ಲೂ ಮಳೆ? ಹವಾಮಾನ ಇಲಾಖೆ ವರದಿಗಳ ಪ್ರಕಾರ ಮಾರ್ಚ್ ಅಂತ್ಯದ ವೇಳೆಗೆ ದಕ್ಷಿಣ ಒಳನಾಡಿನಲ್ಲಿ ಮಳೆಯಾಗುವ ಸಾಧ್ಯತೆ ಇದೆ. ಏಪ್ರಿಲ್ ಮೊದಲನೇ ವಾರ ಅಥವಾ ಎರಡನೇ ವಾರದ ವೇಳೆಗೆ ಬೆಂಗಳೂರಿನಲ್ಲಿ ಕೂಡ ಮಳೆಯಾಗುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ.

ಬೀದರ್ ನಗರದಲ್ಲಿ ಭಾನುವಾರ 62 ಮಿ.ಮೀ ಮಳೆಯಾಗಿದೆ. ಬಿಸಿಲ ಬೇಗೆಗೆ ಕಾದು ಕೆಂಡದಂತಾಗಿದ್ದ ಭೂಮಿಗೆ ಮಳೆ ತಂಪೆರದಿದೆ. ಮಲಚಾಪುರ 45 ಮಿ.ಮೀ, ಆನದೂರು 37 ಮಿ.ಮೀ, ಬೀದರ್ ದಕ್ಷಿಣ 36.5 ಮಿ.ಮೀ, ಬಾಗಧಾಳ 34.5 ಮಿ.ಮೀ, ಮೀಂಕೆರಾ 25.5 ಮಿ.ಮೀ, ಔರಾದ 21 ಮಿ.ಮೀ, ಕಪಾಲಪುರದಲ್ಲಿ 24 ಮಿ.ಮೀ ಮಳೆಯಾಗಿದೆ ಎಂದು ವರದಿಯಾಗಿದೆ.