ಸ್ಯಾಂಡಲ್ ವುಡ್, ಬಾಲಿವುಡ್, ಕಾಲಿ ವುಡ್, ಟಾಲಿವುಡ್ ದಾಟಿ ಈಗ ಬಾಲಿವುಡ್ ಅಂಗಳ ಸೇರಿರೋ ರಶ್ಮಿಕಾ ಈಗ ಕನ್ನಡದ ಪ್ರೇಕ್ಷಕರಿಗೂ ಸಿಗುತ್ತಿಲ್ಲ. ಪೊಗರು ಸಿನಿಮಾದ ಬಳಿಕ ರಶ್ಮಿಕಾ ಸ್ಯಾಂಡಲ್ ವುಡ್ ಕಡೆ ಮುಖಮಾಡಿಲ್ಲ. ಅಷ್ಟೇ ಅಲ್ಲ ಕನ್ನಡದ ಯಾವ ವಿಚಾರಕ್ಕೂ ರಶ್ಮಿಕಾ ಸ್ಪಂದಿಸೋದು ಇಲ್ಲ.

ಇಂತಿಪ್ಪ ರಶ್ಮಿಕಾ ತಮ್ಮ ಜಾಹೀರಾತೊಂದಕ್ಕೆ ಸಂಬಂಧಿಸಿದ ಶೋನಲ್ಲಿ ಶರ್ಟ್ ಬಿಚ್ಚೋ ಹುಡುಗರ ಕಂಡ್ರೇ ನನಗೆ ಇಷ್ಟ ಇಲ್ಲ ಎಂದಿದ್ದಾರೆ. ಆ ಮೂಲಕ ಹುಡುಗಿಯರನ್ನು ಇಂಪ್ರೆಸ್ ಮಾಡೋಕೆ ಅಂತ ಜಿಮ್ ನಲ್ಲಿ ಗಂಟೆಗಟ್ಟಲೇ ಬೆವರು ಸುರಿಸೋ ಹುಡುಗರಿಗೆ ನಿರಾಸೆ ಮಾಡಿದ್ದಾರೆ. ರಶ್ಮಿಕಾ ಟೆಂಡರ್ ಎಂಬ ಡೇಟಿಂಗ್ ಆ್ಯಪ್ ನ ಜಾಹೀರಾತಿನಲ್ಲಿ ನಟಿಸಿದ್ದಾರೆ.ಈ ಡೇಟಿಂಗ್ ಆ್ಯಪ್ ಆಯೋಜಿಸಿದ್ದ ಟಾಕ್ ಶೋದಲ್ಲಿ ಭಾಗವಹಿಸಿದ್ದ ರಶ್ಮಿಕಾ ಗೆ ಡೇಟಿಂಗ್ ಬಗ್ಗೆ ಹಲವು ಪ್ರಶ್ನೆ ಕೇಳಲಾಗಿತ್ತು.