ಕಳೆದ ಆ. 17 ರಂದು ಬಂಟ್ವಾಳದ ಪೊನ್ನೋಡಿಯಲ್ಲಿರುವ ರಾಜ್ಯ ಆಹಾರ ನಿಗಮದ ಅಕ್ಕಿ ಶೇಖರಣಾ ಕೇಂದ್ರದಿಂದ ಬರೋಬ್ಬರಿ 1.32 ಕೋಟಿ ಮೌಲ್ಯದ 3,850 ಕಿಂಟ್ವಾಲ್ ಅಕ್ಕಿ ಕಳ್ಳತನ ಆಗಿತ್ತು. ಕಳ್ಳತನ ಪ್ರಕರಣ ಬೆಳಕಿಗೆ ಬರುತ್ತಿದ್ದಂತೆ ಅಧಿಕಾರಿಯೋರ್ವರ ದೂರಿನಂತೆ ಬಂಟ್ವಾಳ ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಇಲಾಖೆಯ ಅಧಿಕಾರಿಗಳ ನಿರ್ಲಕ್ಷ್ಯ ಎಂದು ಸರ್ಕಾರ ಜಿಲ್ಲಾ ಆಹಾರ ನಿರೀಕ್ಷಕರೋರ್ವರನ್ನು ಅಮಾನತ್ತು ಮಾಡಿತ್ತು. ಆಹಾರ ಇಲಾಖೆಯ ಅಧೀನದಲ್ಲೇ ಇರೋ ಈ ಘಟಕದಿಂದ ಇಷ್ಟೊಂದು ದೊಡ್ಡ ಪ್ರಮಾಣದ ಕೋಟ್ಯಾಂತರ ರೂಪಾಯಿ ಮೌಲ್ಯದ ಅಕ್ಕಿ ಕಳ್ಳತನ ಮಾಡಲು ಅಧಿಕಾರಿಗಳೇ ಶಾಮೀಲಾಗಿದ್ದಾರೆ ಅನ್ನೋದು ಎಲ್ಲರಿಗೂ ಗೊತ್ತಿರೋ ವಿಚಾರ. ಆದ್ರೂ ಕಳ್ಳತನ‌ ನಡೆದು ನಾಲ್ಕು ತಿಂಗಳು ಕಳೆದರೂ ಪ್ರಕರಣ ದಾಖಲಿಸಿಕೊಂಡ ಪೊಲೀಸರು ಓರ್ವ ಆರೋಪಿಯನ್ನೂ ಬಂಧಿಸಿಲ್ಲ.

ಹೀಗಾಗಿ ಈ ಪ್ರಕಣದಲ್ಲಿ ಎಲ್ಲಾ ಅಧಿಕಾರಿಗಳು ಭಾಗಿಯಾಗಿದ್ದಾರೆ. ಅಕ್ಕಿ ಕಳ್ಳತನದ ಜಾಲವನ್ನು ಬೇಧಿಸಿ ಅವರ ಮೇಲೆ ಕಾನೂನು ಕ್ರಮ ಕೈಗೊಳ್ಳಲು ಹೋರಾಟಗಾರರೋರ್ವರು ಆಗ್ರಹಿಸಿದ್ದಾರೆ.