ಆಯವ್ಯದಲ್ಲಿ ಸಿಗರೇಟ್ ತೆರಿಗೆ ಏರಿಕೆ ಬಗ್ಗೆ ಪ್ರಕಟಿಸುತ್ತಿದ್ದಂತೆಯೇ ಷೇರು ಪೇಟೆಯಲ್ಲಿ ಸಿಗರೇಟ್ ಕಂಪೆನಿಗಳಿಗೆ ಆಘಾತ ಎದುರಾಗಿದೆ. ಐಟಿಸಿ ಷೇರುಗಳು ಶೇ 3.89ರಷ್ಟು ಕುಸಿತ ಕಂಡಿತ್ತು. ಆದರೆ ಮಧ್ಯಾಹ್ನದ ಬಳಿಕ ಕೊಂಚ ಚೇತರಿಕೆ ಉಂಟಾಗಿದೆ.

ತಂಬಾಕು ಉತ್ಪನ್ನಗಳು ದೇಶದ ಆರೋಗ್ಯ ಕ್ಷೇತ್ರದಲ್ಲಿ ಭಾರಿ ಹೊರೆ ಉಂಟಾಗಲು ಕಾರಣವಾಗುತ್ತಿದೆ. ಹೀಗಾಗಿ ಅವುಗಳ ಮೇಲೆ ಕಡಿವಾಣ ಹಾಕುವುದು ಕೇಂದ್ರ ಸರ್ಕಾರಕ್ಕೆ ಅನಿವಾರ್ಯವಾಗಿದೆ. ಮುಖ್ಯವಾಗಿ ಕ್ಯಾನ್ಸರ್ ರೋಗಿಗಳ ಸಂಖ್ಯೆ ಭಾರತದಲ್ಲಿ ಭಾರಿ ಏರಿಕೆಯಾಗುತ್ತಿದೆ. ಇದಕ್ಕೆ ಬಹುಪಾಲು ಕಾರಣ ತಂಬಾಕು ಉತ್ಪನ್ನಗಳು ಎಂದು ಅಧ್ಯಯನಗಳು ತಿಳಿಸಿವೆ. ಜಿಎಸ್‌ಟಿ ಏರಿಕೆ ಮಾಡಿದ್ದರೂ ಧೂಮಪಾನಿಗಳ ಸಂಖ್ಯೆಯ ಕಡಿಮೆಯಾಗಿಲ್ಲ. ಹೀಗಾಗಿ ಜಿಎಸ್‌ಟಿ ಅಲ್ಲದೆ ಇತರೆ ಮಾರ್ಗಗಳಲ್ಲಿಯೂ ಅದಕ್ಕೆ ತೆರಿಗೆ ವಿಧಿಸುವ ಅವಕಾಶಗಳ ಬಗ್ಗೆ ಸಂಸದೀಯ ಸಮಿತಿ ಕಳೆದ ವರ್ಷ ಶಿಫಾರಸು ಮಾಡಿತ್ತು.