ಕುಡಿದ ಮತ್ತಿನಲ್ಲಿ ಹಾವಿಗೆ ಮುತ್ತಿಟ್ಟು ವಿಡಿಯೋ ಮಾಡಲು ಹೋಗಿ ಯುವಕ ಸಾವು!
ಉತ್ತರ ಪ್ರದೇಶದ (Uttar Pradesh) ರೋಹಿತ್ ಜೈಸ್ವಾಲ್ ಎಂಬಾತ ಕುಡಿದ ಮತ್ತಿನಲ್ಲಿ ಹಾವಿಗೆ ಮುತ್ತು ಕೊಡಲು ಹೋಗಿ ಸಾವನ್ನಪ್ಪಿದ್ದಾನೆ. 22 ವರ್ಷದ ರೋಹಿತ್ ಜೈಸ್ವಾಲ್ ಈತ ಅಹಿರೌಲಿ ಗ್ರಾಮದ ನಿವಾಸಿಯಾಗಿದ್ದಾನೆ. ಕೂಡ ಕುಟುಂಬದಲ್ಲಿ ಹುಟ್ಟಿದ ರೋಹಿತ್ ಪೋಷಕರಿಗೆ 6 ಮಂದಿ ಮಕ್ಕಳಿದ್ದಾರೆ. ಈತನೇ ಕೊನೆಯ ಮಗನಾಗಿದ್ದ. ಕುಡಿದ ಅಮಲಿನಲ್ಲಿ ಹಾವಿನ ಜೊತೆ ವಿಡಿಯೋ ಮಾಡಲು ಹೋಗಿ ರೋಹಿತ್ ಜೈಸ್ವಾಲ್ ಸಾವನ್ನಪ್ಪಿದ್ದಾನೆ.
ರೀಲ್ ಹುಚ್ಚು ಈತನನ್ನು ಬಿಟ್ಟಿರಲಿಲ್ಲ. ಜೈಸ್ವಾಲ್ ಶಿವನ ರೂಪವಾದ ಮಹಾಕಾಲ್ ಆಗಿ ನಟಿಸುತಿದ್ದ. ಕುಡಿದು ಹಾವನ್ನು ಹಿಡಿದುಕೊಂಡು ತನಗೆ ಕಚ್ಚುವಂತೆ ಸವಾಲು ಹಾಕಿದ್ದ. ಹಾವನ್ನು ಕೈಗೆ ಸುತ್ತಿಕೊಂಡಿದ್ದಾನೆ, ಬಳಿಕ ನಾಲಿಕೆ ತೆರೆದು ನಾಲಿಗೆಗೆ ಕಚ್ಚುವಂತೆ ಹಾವಿಗೆ ಹೇಳುತ್ತಿದ್ದ ವಿಡಿಯೋ ವೈರಲ್ ಆಗಿದೆ. ಹಾವನ್ನು ಹಿಡಿದುಕೊಂಡು ಸಿಗರೇಟ್ ಸೇದುವುದು ಹಾಗೂ ಹಾವಿಗೆ ಹೊಡೆಯುವುದು ಹೀಗೆ ಹುಚ್ಚನಂತೆ ಆಡಿದ್ದಾನೆ. ಈ ವೇಳೆ ಹಾವು ಜೈಸ್ವಾಲ್ಗೆ ಕಚ್ಚಿದೆ ಸ್ಥಳದಲ್ಲೇ ರೋಹಿತ್ ಜೈಸ್ವಾಲ್ ಸಾವನ್ನಪ್ಪಿದ್ದಾನೆ.
शराब के नशे में सांप को गले में लपेटकर खेलना एक युवक को भारी पड़ गया. सांप ने उसे डस लिया, जिससे उसकी मौत हो गई. #ATDigital #Deoria #ViralVideo pic.twitter.com/jsMcYXhZV5
— AajTak (@aajtak) November 6, 2023
ಹಾವಿನ ಜೊತೆ ಆಟವಾಡಲು ಹೋಗಿ ಪ್ರಾಣ ಬಿಟ್ಟ ರೋಹಿತ್
ರೋಹಿತ್ ಜೈಸ್ವಾಲ್ ಹಾವಿನ ಜೊತೆ ಹುಚ್ಚಾಟವಾಡಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಜೈಸ್ವಾಲ್ ಸಾವಿನ ನಂತರ ಸ್ಥಳಕ್ಕೆ ಬಂದ ಪೊಲೀಸರು ಆತನ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ. ಹಾವು ಕಡಿತದಿಂದ ಸಾವು ಸಂಭವಿಸಿದೆ ಎಂಬ ಮಾಹಿತಿ ಮೇರೆಗೆ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದೆ.
