ಗುರುವಾರ ಕಡಮತೋಳಿ ಗ್ರಾಮದಲ್ಲಿ ಮೃತದೇಹಗಳು ಪತ್ತೆಯಾಗಿದ್ದು, ಮೃತರನ್ನು ಅರ್ಜುನ್ ತೆಂಡುವಾ (43), ಅವರ ಪತ್ನಿ ಫಿರ್ನಿ ತೆಂಡುವಾ (40) ಮತ್ತು ಪುತ್ರಿ ಸಂಜನಾ (19) ಎಂದು ಗುರುತಿಸಲಾಗಿದೆ ಎಂದು ಜಶ್‌ಪುರದ ಪೊಲೀಸ್ ವರಿಷ್ಠಾಧಿಕಾರಿ (ಎಸ್‌ಪಿ) ಡಿ ರವಿಶಂಕರ್ ತಿಳಿಸಿದ್ದಾರೆ. .

ಈ ಮೂವರನ್ನು ಕೂಡ ಅವರ ಮನೆಯೊಳಗೆ ಹರಿತವಾದ ಆಯುಧಗಳಿಂದ ಕೊಲ್ಲಲಾಗಿದೆ, ಆರೋಪಿಗಳಿ ಈ ಕುಟುಂಬಕ್ಕೆ ಪರಿಚಯ ಎಂದು ಪೊಲೀಸರು ಶಂಕಿಸಿದ್ದಾರೆ.

ಕುಟುಂಬದವರು ಬಹಳ ದಿನಗಳಿಂದ ವಾಮಾಚಾರ ನಡೆಸುತ್ತಿದ್ದರು ಎಂದು ಸ್ಥಳೀಯರು ಹೇಳಿಕೆ ನೀಡಿದ್ದಾರೆ. ಜನರು ಕುಟುಂಬಕ್ಕೆ ಭಯಪಡುತ್ತಿದ್ದರು ಏಕೆಂದರೆ ಅವರು ಕೆಲವು ಅಲೌಕಿಕ ಶಕ್ತಿಗಳನ್ನು ಹೊಂದಿದ್ದಾರೆಂದು ಅವರು ನಂಬಿದ್ದರು. ಗ್ರಾಮದ ವ್ಯಕ್ತಿಯೊಬ್ಬರು ಕೆಲವು ವಾಮಾಚಾರದ ವಿಚಾರದಲ್ಲಿ ಮೃತರೊಂದಿಗೆ ಅಸಮಾಧಾನಗೊಂಡಿದ್ದಾರೆ ಎಂಬ ಮಾಹಿತಿ ನಮ್ಮ ಮುಂದಿದೆ. ಕೆಲವರನ್ನು ವಶಕ್ಕೆ ಪಡೆದಿದ್ದು, ತನಿಖೆ ನಡೆಯುತ್ತಿದೆ ಎಂದು ಎಸ್‌ಪಿ ತಿಳಿಸಿದ್ದಾರೆ.