ಇದೇ ರೀತಿ ಯಮುನಾಗರದಲ್ಲಿ ಅತೀ ದೊಡ್ಡ ರಾವಣ ಎರಡು ಪ್ರತಿಕೃತಿಗಳನ್ನು ನಿರ್ಮಿಸಲಾಗಿತ್ತು. ಪ್ರತಿಕೃತಿಗೆ ಸಂಪೂರ್ಣ ಪಟಾಕಿಯನ್ನು ಕಟ್ಟಲಾಗಿತ್ತು. ಪೂಜಾ ಕಾರ್ಯಗಳು ಮುಗಿದ ಬಳಿಕ ರಾವಣ ಪ್ರತಿಕೃತಿಗೆ ಬೆಂಕಿ ಹಚ್ಚಲಾಗಿದೆ. ರಾವಣನ ಪ್ರತಿಕೃತಿ ಹೊತ್ತಿ ಉರಿದಿದೆ. ಇದೇ ವೇಳೆ ಪ್ರತಿಕೃತಿ ಹತ್ತಿರ ತೆರಳಿ ಕೆಲ ಪಟಾಕಿಗಳಿ ಬೆಂಕಿ ಹಚ್ಚುವ ಕಾರ್ಯವನ್ನು ಹಲವು ಮಾಡಿದ್ದಾರೆ. ಇದೇ ವೇಳೆ ರಾವಣನ ಪ್ರತಿಕೃತಿ ಉರಿಯುತ್ತಲೇ ಜನರ ಮೇಲೆ ಬಿದ್ದಿದೆ. ಸಾವಿರಾರು ಮಂದಿ ನೆರೆದಿದ್ದರು. ತಕ್ಷಣವೇ ಅವರನ್ನು ರಕ್ಷಿಸಲು ಸಾಧ್ಯವಾಗಲಿಲ್ಲ. ರಾವಣನ ಪ್ರತಿಕೃತಿ ಬೀಳುತ್ತಿದ್ದಂತೆ ಕಟ್ಟಲಾಗಿದ್ದ ಪಟಾಕಿಗಳು ಒಂದೇ ಸಮನೆ ಸಿಡಿಯಲು ಆರಂಭಿಸಿದೆ. ಆದರೂ ಹರಸಾಹಸ ಪಟ್ಟು ಗಂಭೀರವಾಗಿ ಗಾಯಗೊಂಡರವನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ರಾವಣ ಪ್ರತಿಕೃತಿ ಬೀಳುತ್ತಿರುವ ದೃಶ್ಯ ಸೆರೆಯಾಗಿದೆ. ಭೀಕರ ದೃಶ್ಯ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಯಾಗುತ್ತಿದೆ. ನಿರ್ಲಕ್ಷ್ಯವೇ ಇದಕ್ಕೆ ಕಾರಣ ಅನ್ನೋ ಮಾತುಗಳು ಕೇಳಿಬಂದಿದೆ. ಈ ಘಟನೆಯಲ್ಲಿ ಎಷ್ಟು ಮಂದಿಗೆ ಗಾಯವಾಗಿದೆ. ಗಾಯಗೊಂಡವರ ಪರಿಸ್ಥಿತಿ ಹೇಗಿದೆ ಅನ್ನೋ ಮಾಹಿತಿ ಇನ್ನಷ್ಟೇ ಲಭ್ಯವಾಗಬೇಕಿದೆ.