ಬೆಂಗಳೂರು: ಸಂಬಂಧಿ ಯುವತಿಯ ಬೆಡ್‌ ರೂಂನಲ್ಲಿ ಮೊಬೈಲ್‌ ಚಾರ್ಜರ್‌ ರಹಸ್ಯ ಕ್ಯಾಮೆರಾ ಇಟ್ಟು ಆಕೆಯ ಖಾಸಗಿ ವಿಡಿಯೋ ಚಿತ್ರೀಕರಿಸಿ ಬ್ಲ್ಯಾಕ್‌ ಮೇಲ್‌ ಮಾಡುತ್ತಿದ್ದ ಯುವಕನನ್ನು ಬೆಂಗಳೂರಿನ ಈಶಾನ್ಯ ವಿಭಾಗದ ಸೈಬರ್‌ ಪೊಲೀಸರು ಬಂಧಿಸಿದ್ದಾರೆ.
ಮೈಸೂರಿನ ಟಿ. ನರಸೀಪುರ ನಿವಾಸಿ ವಿ. ಮಹೇಶ್‌ ಬಂಧಿತ ಆರೋಪಿ. ಆರೋಪಿಯಿಂದ ರಹಸ್ಯ ಕ್ಯಾಮೆರಾ, ಲ್ಯಾಪ್‌ ಟಾಪ್‌, ಮೆಮೊ ರೆಕಾರ್ಡ್‌, ಪೆನ್‌ ಡ್ರೈವ್‌, ಮೊಬೈಲ್‌ ಫೋನ್‌ ಜಪ್ತಿ ಮಾಡಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಬಿ. ಇ. ಪದವೀಧರೆ ಆಗಿರುವ ಯಲಹಂಕದ 25 ವರ್ಷದ ಯುವತಿಗೆ ಕೆಲ ದಿನಗಳ ಹಿಂದೆ ಇನ್‌ ಸ್ಟಾ ಗ್ರಾಂನಲ್ಲಿ ಅಪರಿಚಿತನೊಬ್ಬ ಮೆಸೇಜ್‌ ಮಾಡಿ ದೈಹಿಕ ಸಂಪರ್ಕ ಬೆಳೆಸಬೇಕು ಎಂದು ಕಿರುಕುಳ ನೀಡಿದ್ದ. ಇಲ್ಲದಿದ್ದರೆ ನಿನ್ನ ಖಾಸಗಿ ವಿಡಿಯೋ ಸಾಮಾಜಿಕ ಜಾಲ ತಾಣಗಳಲ್ಲಿ ಅಪ್ಲೋಡ್ ಮಾಡುವುದಾಗಿ ಹೆದರಿಸಿದ್ದ. ಆರಂಭದಲ್ಲಿ ಯುವತಿ ಇದನ್ನು ನಿರ್ಲಕ್ಷಿಸಿದ್ದರು. ಆದರೆ, ಅಪರಿಚಿತ ಆಕೆಯ ಖಾಸಗಿ ವಿಡಿಯೋ ಇನ್‌ ಸ್ಟಾ ಗ್ರಾಂ ಮೆಸೆಂಜರ್‌ನಲ್ಲಿ ಅಪ್ಲೋಡ್ ಮಾಡಿದ್ದ. ಇದರಿಂದ ಭಯಗೊಂಡ ಸಂತ್ರಸ್ತೆ ದೂರು ನೀಡಿದ್ದರು.
ಈ ಕುರಿತು ಪ್ರಕರಣ ದಾಖಲಿಸಿಕೊಂಡು ತನಿಖೆ ಚುರುಕುಗೊಳಿಸಿದ ಇನ್ಸ್‌ಪೆಕ್ಟರ್‌ ಸಂತೋಷ್‌ ರಾಮ್‌ ನೇತೃತ್ವದ ತಂಡ, ಸಂತ್ರಸ್ತೆಗೆ ವಿಡಿಯೋ ಕಳಿಸಿದ್ದ ಇನ್‌ ಸ್ಟಾ ಗ್ರಾಂ ಖಾತೆ ಜಾಲಾಡಿದಾಗ ಆರೋಪಿ ಮಹೇಶ್‌ ಸಿಕ್ಕಿ ಬಿದ್ದಿದ್ದಾನೆ. ಆತನ ವಿಚಾರಣೆಯಲ್ಲಿ ಆತನೇ ಸಂತ್ರಸ್ತೆಗೆ ಗೊತ್ತಾಗದಂತೆ ವಿಡಿಯೋ ರೆಕಾರ್ಡ್‌ ಮಾಡಿದ್ದ ಸಂಗತಿಯೂ ತನಿಖೆಯಲ್ಲಿ ಬಯಲಾಗಿದೆ.
ಸಂತ್ರಸ್ತೆಯನ್ನು ಹೇಗಾದರೂ ಮಾಡಿ ಲೈಂಗಿಕವಾಗಿ ದುರ್ಬಳಕೆ ಮಾಡಿಕೊಳ್ಳಬೇಕು ಎಂದು ನಿರ್ಧರಿಸಿದ್ದ. ಹೀಗಾಗಿ, ಆನ್‌ಲೈನ್‌ ಮೂಲಕ ರಹಸ್ಯ ಕ್ಯಾಮೆರಾ ಇರುವ ಮೊಬೈಲ್‌ ಚಾರ್ಜರ್‌ ಖರೀದಿ ಮಾಡಿದ್ದ. ಬಳಿಕ ಸಂತ್ರಸ್ತೆ ಮನೆಗೆ ಹೋಗಿ ಆಕೆಯ ಬೆಡ್‌ ರೂಂನಲ್ಲಿ ಮೊಬೈಲ್‌ ಚಾರ್ಜ್‌ಗೆ ಇಟ್ಟಿದ್ದ. ಚಾರ್ಜರ್‌ ಕ್ಯಾಮೆರಾದಲ್ಲಿ ಆಕೆಯ ಖಾಸಗಿ ಕ್ಷಣಗಳು ಸೆರೆಯಾಗಿದ್ದವು.
ಅವರ ಮನೆಯಿಂದ ವಾಪಸ್‌ ಬರುವಾಗ ಚಾರ್ಜರ್‌ ಪಡೆದುಕೊಂಡು ಬಂದಿದ್ದ ಮಹೇಶ್‌, ಬಳಿಕ ಇನ್‌ ಸ್ಟಾ ಗ್ರಾಂನಲ್ಲಿ ಅಪರಿಚಿತರ ಹೆಸರಲ್ಲಿ ಮೆಸೇಜ್‌ ಮಾಡಿ ಖಾಸಗಿ ವಿಡಿಯೋ ಕಳಿಸಿ ಬೆದರಿಕೆ ಒಡ್ಡಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಮುರುಡೇಶ್ವರ ದಲ್ಲಿ ನಾಲ್ವರು ವಿದ್ಯಾರ್ಥಿನಿಯರ ಸಾವು; ಮುಖ್ಯಶಿಕ್ಷಕರು ಸೇರಿ 7 ಮಂದಿ ವಶಕ್ಕೆ! Twitter Facebook LinkedIn WhatsApp ಕಾರವಾರ: ಮುರುಡೇಶ್ವರ ದಲ್ಲಿ (Murudeshwar) ನೀರು ಪಾಲಾಗಿ ನಾಲ್ವರು ವಿದ್ಯಾರ್ಥಿಯರು ಸಾವನ್ನಪ್ಪಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ
ಭಾರಿ ಮಳೆ ಹಿನ್ನೆಲೆ ನಾಳೆ ಡಿ.3 ರಂದು ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಶಾಲಾ, ಪಿಯು ಕಾಲೇಜುಗಳಿಗೆ ರಜೆ ಘೋಷಣೆ Twitter Facebook LinkedIn WhatsApp ಮಂಗಳೂರು: ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಫೆಂಗಲ್‌ ಚಂಡಮಾರುತದ ಪರಿಣಾಮ
ದೇಶದ ಪ್ರಮುಖ ಪ್ರತಿಭಾವಂತ ಯುವ ರಾಜಕೀಯ ಸಲಹ ಗಾರರು ಹಾಗೂ ತಂತ್ರ ಗಾರರು Twitter Facebook LinkedIn WhatsApp ನವದೆಹಲಿ: ಆಧುನಿಕ ಚುನಾವಣೆ ಮತ್ತು ರಾಜಕೀಯದಲ್ಲಿ ಚುನಾವಣಾ ಸಲಹೆ ನೀಡುವವರು ಹಾಗೂ ತಂತ್ರಗಾರರು(Political Strategist