ಪೊಲೀಸ್​ ಅಧಿಕಾರಿಯ ಮಾತಿನಿಂದ ಆತ್ಮಹತ್ಯೆ ನಿರ್ಧಾರವನ್ನು ಬದಲಿಸಿದ ಆ ಮಹಿಳೆ ಪೊಲೀಸರ ಜೊತೆ ವಾಪಸ್​ ಬಂದಿದ್ದಾಳೆ. ಆತ್ಮಹತ್ಯೆಗೆ ಮುಂದಾಗಿದ್ದ ಮಹಿಳೆಯನ್ನು ದೂರದಿಂದಲೇ ಕೂತು ತಮ್ಮ ಮಾತಿನಿಂದಲೇ ಮನಸ್ಸು ಬದಲಿಸುವಂತೆ ಮಾಡಿ ಸುರಕ್ಷಿತವಾಗಿ ಆಕೆಯನ್ನು ಕರೆತಂದ ಎಸ್​ಐ ಸಂತೋಷ್​ರಿಗೆ ಜನರಿಂದ ಪ್ರಶಂಸೆ ವ್ಯಕ್ತವಾಗುತ್ತಿದೆ.

ಮಹಿಳೆ ಜೊತೆ ಪೊಲೀಸ್​ ಅಧಿಕಾರಿ ಮಾತನಾಡುತ್ತಿರುವುದನ್ನು ಸಿಬ್ಬಂದಿಯೊಬ್ಬರು ವಿಡಿಯೋ ಮಾಡಿದ್ದಾರೆ. ಮಹಿಳೆ ಜೊತೆ ಮಾತನಾಡಿದ ರೀತಿ, ಆಕೆಯಲ್ಲಿ ಆತ್ಮವಿಶ್ವಾಸ ಮೂಡಿಸಿದ ಪರಿ ಮತ್ತು ಕ್ಲಿಷ್ಟಕರ ಪರಿಸ್ಥಿತಿಯನ್ನು ನಿಭಾಯಿಸಿ ಜೀವವನ್ನು ಉಳಿಸಿದ ಎಸ್​ಐ ಸಂತೋಷ್​ ಉಳಿದ ಪೊಲೀಸರಿಗೆ ಮಾದರಿಯಾಗಿದ್ದಾರೆ.