ನವದೆಹಲಿ (ಏ.25): ಈಗಾಗಲೇ ಜಾಗತಿಕ ಆಹಾರ ಹಣದುಬ್ಬರ (Food Inflation) ದಾಖಲೆ ಮಟ್ಟದಲ್ಲಿ ಏರಿಕೆಯಾಗೋ ಮೂಲಕ ಎಲ್ಲರ ನೆಮ್ಮದಿಗೆಡಿಸಿದೆ. ಈ ಮಧ್ಯೆ ಜಗತ್ತಿನ ಅತೀದೊಡ್ಡ ತಾಳೆ ಎಣ್ಣೆ (Palm Oil) ಉತ್ಪಾದಕ ರಾಷ್ಟ್ರ ಇಂಡೋನೇಷ್ಯಾ (Indonesia) ವಿದೇಶಗಳಿಗೆ ಖಾದ್ಯ ತೈಲ ರಫ್ತು (Export) ಸ್ಥಗಿತಗೊಳಿಸುವುದಾಗಿ ತಿಳಿಸಿದೆ. ಇದ್ರಿಂದ  ಜಾಗತಿಕ ಆಹಾರ ಹಣದುಬ್ಬರ ಇನ್ನಷ್ಟು ಏರಿಕೆಯಾಗೋ ಸಾಧ್ಯತೆ ಹೆಚ್ಚಿದೆ.

ಕೌಲಾಲಂಪುರ್ ದಲ್ಲಿ ಈಗಾಗಲೇ ಬೇಡಿಕೆ ನೀಡಿ ಜುಲೈನಲ್ಲಿ ಪೂರೈಕೆ (Supply) ಮಾಡಬೇಕಿರೋ ತಾಳೆ ಎಣ್ಣೆ ಬೆಲೆ ಶೇ.6ರಷ್ಟು ಏರಿಕೆ ಕಂಡಿದ್ದು, ಟನ್ ಗೆ 1,550 ಡಾಲರ್ ಆಗಿದೆ. ಮಾರ್ಚ್ 11ರ ಬಳಿಕ ಇದು ಅತ್ಯಧಿಕ ದರವಾಗಿದೆ. ಏಪ್ರಿಲ್ 28ರಿಂದ ತಾಳೆ ಎಣ್ಣೆ ರಫ್ತಿನ ಮೇಲೆ ನಿರ್ಬಂಧ ವಿಧಿಸಲಾಗುವುದು. ಈ ನಿರ್ಬಂಧ ದೇಶೀಯ ಖಾದ್ಯ ತೈಲ ಕೊರತೆ ಸಮಸ್ಯೆ ಬಗೆಹರಿಯುವ ತನಕ ಮುಂದುವರಿಯಲಿದೆ ಎಂದು ಇಂಡೋನೇಷ್ಯಾ ತಿಳಿಸಿದೆ.