ಕಮರ್ಷಿಯಲ್ ಸಿನಿಮಾಗಳು ಮಾತ್ರವಲ್ಲದೆ ಕಂಟೆಂಟ್ ಇರುವ ಪಾತ್ರಗಳನ್ನು ಅವರು ಆಯ್ಕೆ ಮಾಡಿಕೊಳ್ಳುತ್ತಿರುವುದಾಗಿ ತಿಳಿಸಿದ್ದಾರೆ.
‘ಐ ಲವ್ ಯೂ’ ಸಿನಿಮಾದಲ್ಲಿ ರಚಿತಾ ನಿರ್ವಹಿಸಿದ್ದ ಬೋಲ್ಡ್ ಪಾತ್ರ ಮೊದಲು ಚರ್ಚೆಗೆ ಕಾರಣವಾಗಿತ್ತು. ನಂತರ ‘ಐ ಲವ್ ಯೂ ರಚ್ಚು’ ಸಿನಿಮಾದಲ್ಲಿನ ಕೆಲ ದೃಶ್ಯಗಳು ವಿವಾದಕ್ಕೆ ಕಾರಣವಾಗಿತ್ತು. ಇದೀಗ ಫೆ.24ರಂದು ಬಿಡುಗಡೆಯಾಗುತ್ತಿರುವ ನಿರ್ದೇಶಕ ಪ್ರೇಮ್ ಅವರ ‘ಏಕ್ ಲವ್ ಯಾ’ ಸಿನಿಮಾದ ಪಾತ್ರವೂ ಚರ್ಚೆಗೆ ಗ್ರಾಸವಾಗಿತ್ತು.
‘ಏಕ್ ಲವ್ ಯಾ’ ಸಿನಿಮಾದ ಟ್ರೇಲರ್ ನಲ್ಲಿ ರಚಿತಾ ಸ್ಮೋಕಿಂಗ್, ಡ್ರಿಂಕಿಂಗ್ ಅಲ್ಲದೆ ನಾಯಕ ರಾಣಾಗೆ ಕಿಸ್ ಕೊಡುವ ದೃಶ್ಯಗಳೂ ಇದ್ದವು. ಈ ಸಂಗತಿ ವಿವಾದಕ್ಕೆ ಕಾರಣವಾಗಿರುವ ಬಗ್ಗೆ ರಚಿತಾ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಪುಷ್ಪಕ ವಿಮಾನ, ಆಯುಷ್ಮಾನ್ ಭವ, 100 ಸಿನಿಮಾಗಳಲ್ಲಿಯೂ ತಮ್ಮ ಅಭಿನಯ ಪ್ರೇಕ್ಷಕರಿಗೆ ಇಷ್ಟವಾಗಿತ್ತು, ಆದರೆ ಆ ಪಾತ್ರಗಳು ಹೆಡ್ ಲೈನಿನಲ್ಲಿ ಬರಲೇ ಇಲ್ಲ. ಬರೀ ಬೋಲ್ಡ್ ಪಾತ್ರಗಳೇ ಹೆಡ್ ಲೈನಿನಲ್ಲಿ ಬರೋದೇಕೆ ಎಂದು ರಚಿತಾ ಪ್ರಶ್ನಿಸಿದ್ದಾರೆ.
ಏಕ್ ಲವ್ ಯಾ ಸಿನಿಮಾದಲ್ಲಿ ಸ್ಮೋಕಿಂಗ್ , ಡ್ರಿಂಕಿಂಗ್ ಮತ್ತು ರೋಮ್ಯಾಂಟಿಕ್ ಸೀನ್ ಗಳಲ್ಲಿ ಕಾಣಸಿಕೊಂಡಿದ್ದು, ಪಾತ್ರಕ್ಕೆ ಅದು ಅವಶ್ಯಕತೆ ಇದ್ದುದರಿಂದ ಮಾತ್ರ. ನಾನು ಏನೇ ಮಾಡಿದ್ದರೂ ಅದು ಸಿನಿಮಾಗಾಗಿ
ಎಂದವರು ಹೇಳಿದ್ದಾರೆ.