ಕರಾವಳಿಯಲ್ಲಿ ಬಹುತೇಕ ಕಾಂಗ್ರೆಸ್ ನಾಯಕರುಗಳು ರಾಜ್ಯ, ರಾಷ್ಟ್ರಮಟ್ಟದ ನಾಯಕರುಗಳು ಎಂದು ತಿರುಗಾಡುತ್ತಿರುವವರು. ಆದರೆ ಕರಾವಳಿಯಲ್ಲಿ ಅವರ ನಾಯಕತ್ವದಿಂದ ಬಿಜೆಪಿ ಎದುರು ಸತತ ಸೋಲಿನಿಂದ ಕರಾವಳಿ ಕಾಂಗ್ರೆಸ್ಸನ್ನು ಪಾರುಮಾಡಲು ಸಾಧ್ಯವಾಗುತ್ತಿಲ್ಲವೇ? ಎಂದು ಕಾಂಗ್ರೆಸ್ನ ಸಾಮಾನ್ಯ ಕಾರ್ಯಕರ್ತರು ಪ್ರಶ್ನಿಸುತ್ತಿದ್ದಾರೆ.

ಕರಾವಳಿ ಕಾಂಗ್ರೆಸ್ ಸತತ ಸೋಲುಗಳನ್ನು ಬಿಜೆಪಿಯ ಎದುರು ಕಾಣುತ್ತಿದೆ. ಕಾಂಗ್ರೆಸ್ಸಿನ ರಾಜ್ಯ ಹಾಗೂ ರಾಷ್ಟ್ರಮಟ್ಟದ ನಾಯಕರುಗಳಾದ ಎಐಸಿಸಿ ಕಾರ್ಯದರ್ಶಿ ಐವನ್ ಡಿಸೋಜಾ, ಪಿವಿ ಮೋಹನ್, ರಾಷ್ಟ್ರೀಯ ವಕ್ತಾರೆ ಲಾವಣ್ಯ ಬಳ್ಳಾಳ್, ಮಹಿಳಾ ಕಾಂಗ್ರೆಸ್ನ ರಾಷ್ಟ್ರೀಯ ಸಾಮಾಜಿಕ ಜಾಲತಾಣ ಮುಖ್ಯಸ್ಥೆ ಶರೀಲ್, ಯುವ ಕಾಂಗ್ರೆಸ್ ರಾಜ್ಯ ನಾಯಕರುಗಳಾದ ಮಿಥುನ್ ರೈ, ಮೆರಿಲ್ ರೇಗೊ, ಈಗ ರಾಜ್ಯದ ವೇದಿಕೆಯಲ್ಲಿ ಮಿಂಚುತ್ತಿರುವ ಯುವ ಕಾಂಗ್ರೆಸ್ ಅಧ್ಯಕ್ಷ ಲುಕಾನ್ ಇವರೆಲ್ಲ ಯುವ ರಾಷ್ಟ್ರ, ರಾಜ್ಯ ಮಟ್ಟದ ಕಾಂಗ್ರೆಸ್ ನಾಯಕರುಗಳು.

ಇನ್ನು ರಾಜ್ಯ ನಾಯಕರುಗಳಾದ ಯು ಟಿ ಖಾದರ್, ವಿನಯ್ ಕುಮಾರ್ ಸೊರಕೆ ಕರಾವಳಿ ಕಾಂಗ್ರೆಸ್ಸಿನಲ್ಲಿ ಇದ್ದಾರೆ. ರಾಷ್ಟ್ರ ರಾಜ್ಯ ಮಟ್ಟದಲ್ಲಿ ಓಡಾಡುತ್ತಿರುವ ಈ ನಾಯಕರುಗಳಿಗೆ ಕರಾವಳಿಯಲ್ಲಿ ಕಾಂಗ್ರೆಸ್ಸನ್ನು ಸತತ ಸೋಲಿನಿಂದ ಹೇಗೆ ಪಾರುಮಾಡುವುದು ಎಂಬ ಅಂಶ ಅರಿಯದೆ ಇದ್ದದ್ದು ಆಶ್ಚರ್ಯ ಎಂದು ಪ್ರಶ್ನಿಸುತ್ತಾರೆ ಪಕ್ಷದ ಕಾರ್ಯಕರ್ತರುಗಳು.

ರಾಷ್ಟ್ರ, ರಾಜ್ಯ ಮಟ್ಟದ ಈ ನಾಯಕರುಗಳಿಗೆ ತಮ್ಮ ಸ್ವಕ್ಷೇತ್ರ ಕರಾವಳಿಯನ್ನು ಬಲಿಷ್ಠ ಮಾಡಲು ಸಾಧ್ಯವಾಗದ್ದು ಸಾರ್ವಜನಿಕರಲ್ಲಿ ಆಶ್ಚರ್ಯ ಉಂಟುಮಾಡಿದೆ ಎನ್ನುತ್ತಾರೆ ವಿಶ್ಲೇಷಕರು.

ಆದರೆ ಆಶ್ಚರ್ಯವೆಂಬಂತೆ ಕರಾವಳಿ ಇಬ್ಬರು ಮಾಜಿ ಮಂತ್ರಿಗಳು ರಾಷ್ಟ್ರ ರಾಜ್ಯ ಮಟ್ಟದ ನಾಯಕರುಗಳಾಗದೆ ಹಲವಾರು ವರ್ಷಗಳಿಂದ ಸ್ಥಳೀಯ ನಾಯಕರು ಗಳಾಗಿದ್ದಾರೆ. ಮಾಜಿ ಸಚಿವ ರಮನಾಥ ರೈ ಹಾಗೂ ಅಭಯ ಚಂದ್ರಜೈನ್ ಸ್ಥಳೀಯ ಮಟ್ಟದಲ್ಲಿ ಇದ್ದಾರೆ. ಅವರು ತಮ್ಮ ಕ್ಷೇತ್ರದಲ್ಲಿ ಪಕ್ಷದ ವಿಷಯದಲ್ಲಿ ನಿರತವಾಗಿದ್ದರು. ಎಲ್ಲಿಯೂ ರಾಜ್ಯ ರಾಷ್ಟ್ರಮಟ್ಟದ ವಿಷಯಕ್ಕೆ ಹೋಗಿಲ್ಲ, ಆ ಕಾರಣದಿಂದ ಸತತವಾಗಿ ಆಯ್ಕೆಯಾಗುತ್ತಾ ಬಂದಿದ್ದಾರೆ ಎನ್ನುತ್ತಾರೆ ರಾಜಕೀಯ ವಿಶ್ಲೇಷಕರು.

ರಾಷ್ಟ್ರ , ರಾಜ್ಯಮಟ್ಟದ ನಾಯಕರುಗಳು ಎಂದು ಹೇಳುವ ಮೊದಲು ಕರಾವಳಿ ಕಾಂಗ್ರೆಸನ್ನು ಗಟ್ಟಿ ಮಾಡಲಿ ಎನ್ನುತ್ತಾರೆ ಆಕ್ರೋಶ ತುಂಬಿದ ಕಾರ್ಯಕರ್ತರೊಬ್ಬರು..
ಬಿಜೆಪಿ ಕರಾವಳಿಯಲ್ಲಿ ನಳಿನ್ ಕುಮಾರ್ ನೇತೃತ್ವದಲ್ಲಿ ಕಾಂಗ್ರೆಸ್ಸಿಗೆ ಸತತ ಸೋಲುಗಳನ್ನು ನೀಡಿದೆ. ಕಾಂಗ್ರೆಸ್ ಸೋಲಿಗೆ ಈಗ ಇನ್ನೊಂದು ಸೇರ್ಪಡೆ ವಿಟ್ಲ, ಕೋಟೆಕಾರು, ಕಾಪು ಪಟ್ಟಣ ಪಂಚಾಯಿತಿ ಚುನಾವಣೆ.

ಮುಂದೆ ತಾಲೂಕು ಹಾಗೂ ಜಿಲ್ಲಾ ಪಂಚಾಯತಿ ಚುನಾವಣೆ ಸದ್ಯದಲ್ಲಿ ನಡೆಯಲಿದೆ. ಆ ಸಂದರ್ಭದಲ್ಲಿ ಕಾಂಗ್ರೆಸ್ ಏನು ಮಾಡುತ್ತದೆ ಎಂಬುದನ್ನು ಕಾದುನೋಡಬೇಕಾಗಿದೆ.