Video : ಚುನಾವಣಾ ಪ್ರಚಾರದ ವೇಳೆ ಲೈಟ್ ಟವರ್ ಹತ್ತಿದ ಯುವತಿ; ಬೇಟಾ ನೀಚೆ ಆವೋ" ಹೇಳಿದ ಪ್ರಧಾನಿ ಮೋದಿ.
ಸಿಕಂದರಬಾದ್ (Video) : ಚುನಾವಣಾ ಪ್ರಚಾರದ ವೇಳೆಯಲ್ಲಿ ಪ್ರಧಾನಿ ಗಮನ ಸೆಳೆಯಲು ಯುವತಿಯೊಬ್ಬಳು ಲೈಟ್ ಟವರ್ ಏರಿದರು. ಇದು ನೆರೆದಿದ್ದ ಜನರಲ್ಲಿ ಒಂದು ಕ್ಷಣ ಭೀತಿಯನ್ನು ಸೃಷ್ಟಿಸಿತು.
ಪ್ರಧಾನಿ ಜೊತೆಗೆ ಮಾತನಾಡಬೇಕೆಂದು ಯುವತಿ ಮೈದಾನದಲ್ಲಿ ಹಾಕಲಾಗಿದ್ದ ಲೈಟ್ ಟವರ್ ಮೇಲೆ ಹತ್ತಿದ್ದಾಳೆ. ತಕ್ಷಣ ಈ ದೃಶ್ಯವನ್ನು ನೋಡಿದ ತಕ್ಷಣ ಪ್ರಧಾನಿ ಮೋದಿ, ಯುವತಿಯ ಜೀವಕ್ಕೆ ಅಪಾಯವಾಗಬಹುದು ಎಂದು ಹೇಳಿ ಕೆಳಗೆ ಇಳಿಯುವಂತೆ ಪದೇ ಪದೇ ವಿನಂತಿಸಿದರು.
ಇದು ಸರಿಯಲ್ಲ, ನಾವು ನಿಮ್ಮೊಂದಿಗಿದ್ದೇವೆ. ಬೇಟಾ ನೀಚೆ ಆವೋ” (ದಯವಿಟ್ಟು ಕೆಳಗೆ ಇಳಿಯಿರಿ), ನಾನು ನಿನ್ನ ಮಾತನ್ನು ಕೇಳುತ್ತೇನೆ. ಅದು ಶಾರ್ಟ್ ಸರ್ಕಿಟ್ ಆಗುವ ಸ್ಥಳ, ದಯವಿಟ್ಟು ಕೆಳಗೆ ಇಳಿಯಿರಿ.ಹೀಗೆ ಮಾಡುವುದರಿಂದ ಏನು ಪ್ರಯೋಜನವಲ್ಲಾ, ನಿಮಗಾಗಿ ನಾನು ಇಲ್ಲಿಗೆ ಬಂದಿದ್ದೇನೆ. ಎಂದು ಪ್ರಧಾನಿ ಮೋದಿ ಯುವತಿಗೆ ಹೇಳಿದರು. ಬಳಿಕ ಆ ಯುವತಿ ಟವರ್ ಮೇಲಿಂದ ಕೆಳಗೆ ಇಳಿದರು.
#WATCH | Secunderabad, Telangana: During PM Modi's speech at public rally, a woman climbs a light tower to speak to him, and he requests her to come down. pic.twitter.com/IlsTOBvSqA
— ANI (@ANI) November 11, 2023
ಮೋದಿಯವರ ಮಾದಿಗ ಸಮುದಾಯದ ಪ್ರಚಾರ:
ರ್ಯಾಲಿಯಲ್ಲಿ, ತೆಲಂಗಾಣ ಮತ್ತು ಅವಿಭಜಿತ ಆಂಧ್ರಪ್ರದೇಶದ ಹಿಂದಿನ ಸರ್ಕಾರಗಳನ್ನು ತರಾಟೆಗೆ ತೆಗೆದುಕೊಂಡ ಪ್ರಧಾನಿ ಮೋದಿ, ಮಾದಿಗ ಸಮುದಾಯಕ್ಕೆ ದ್ರೋಹ ಬಗೆದಿದ್ದಾರೆ ಎಂದು ಆರೋಪಿಸಿದರು. “ಮಾದಿಗ ಸಮುದಾಯದ ಜನರು ಮತ್ತು ಕೃಷ (ಮಂದ ಕೃಷ್ಣ ಮಾದಿಗ, ಎಂಆರ್‌ಪಿಎಸ್ ನಾಯಕ), ನಾನು ನಿಮ್ಮಲ್ಲಿ ಏನಾದರೂ ಕೇಳಲು ಬಂದಿಲ್ಲ; ಸ್ವಾತಂತ್ರ್ಯ ಬಂದಾಗಿನಿಂದ ನಿಮಗೆ ಭರವಸೆ ನೀಡಿ ನಿಮ್ಮನ್ನು ಕೈಬಿಟ್ಟ ರಾಜಕೀಯ ನಾಯಕರು ಮತ್ತು ರಾಜಕೀಯ ಪಕ್ಷಗಳ ಹಿಂದಿನ ಕೃತ್ಯಗಳಿಗೆ ಪ್ರಾಯಶ್ಚಿತ್ತಕ್ಕಾಗಿ ನಾನು ಇಲ್ಲಿದ್ದೇನೆ. ನಾನು ರಾಜಕೀಯ ಕ್ಷೇತ್ರಕ್ಕೆ ಸೇರಿದವನು ಹಾಗಾಗಿ ನಿಮ್ಮಲ್ಲಿ ಕ್ಷಮೆಯಾಚಿಸುತ್ತೇನೆ ಎಂದು ಮೋದಿ ಹೇಳಿದರು.
“ನೀವು (ಜನರು) ದೇಶದಲ್ಲಿ ಸಾಕಷ್ಟು ಸರ್ಕಾರಗಳನ್ನು ನೋಡಿದ್ದೀರಿ. ನಮ್ಮ ಸರ್ಕಾರದ ಹೆಚ್ಚಿನ ಆದ್ಯತೆ ವಂಚಿತರಿಗೆ ಆದ್ಯತೆ ನೀಡುವುದು. ಬಿಜೆಪಿಯ ಮಂತ್ರ ಸಬ್ಕಾ ಸಾಥ್ ಸಬ್ಕಾ ವಿಕಾಸ್” ಎಂದು ಅವರು ಹೇಳಿದರು.
ಮಾದಿಗ ಮೀಸಲಾತಿ ಹೋರಾಟ ಸಮಿತಿಯ (ಎಂಆರ್‌ಪಿಎಸ್) ನಾಯಕ ಮಂದ ಕೃಷ್ಣ ಮಾದಿಗ ಅವರನ್ನು ಶ್ಲಾಘಿಸಿದ ಪ್ರಧಾನಿ, ಮಾದಿಗ ಸಮುದಾಯದ ಹೋರಾಟದಲ್ಲಿ ಸಹಾಯ ಮಾಡುವ ನಾಯಕ ಅವರನ್ನು ಸ್ನೇಹಿತ ಎಂದು ಪರಿಗಣಿಸಬಹುದು ಎಂದು ಹೇಳಿದರು. “ಕೃಷ್ಣಾ, ಮಾಗಿದ ಸಮುದಾಯದ ಹಕ್ಕುಗಳಿಗಾಗಿ ಹೋರಾಡಲು ನಿಮ್ಮೊಂದಿಗೆ ಇದ್ದ ಅನೇಕ ಸ್ನೇಹಿತರನ್ನು ನೀವು ಹೊಂದಿರಬಹುದು, ಆದರೆ ಇಂದು ನಿಮ್ಮ ಪಟ್ಟಿಗೆ ಮತ್ತೊಬ್ಬ ಸ್ನೇಹಿತ ಸೇರ್ಪಡೆಯಾಗಿದ್ದಾನೆ” ಎಂದು ಪ್ರಧಾನಿ ಹೇಳಿದರು.
ಮಾದಿಗ ಮೀಸಲಾತಿ ಹೋರಾಟ ಸಮಿತಿ, ಮಾದಿಗರ ಸಮುದಾಯ ಸಂಘಟನೆ, ತೆಲುಗು ರಾಜ್ಯಗಳಲ್ಲಿ ಪರಿಶಿಷ್ಟ ಜಾತಿಗಳ ದೊಡ್ಡ ಘಟಕಗಳಲ್ಲಿ ಒಂದಾಗಿದೆ.
2013 ರಿಂದ, ಮೋದಿಯವರು ಮಂದ ಕೃಷ್ಣ ಮಾದಿಗ ಅವರೊಂದಿಗೆ ನಿಕಟವಾಗಿ ಸಂವಾದ ನಡೆಸಿದ್ದಾರೆ, ಅವರ ಸಂಘಟನೆಯಾದ ಎಂಆರ್‌ಪಿಎಸ್ ಪರಿಶಿಷ್ಟ ಜಾತಿ (ಎಸ್‌ಸಿ) ವರ್ಗದೊಳಗೆ ಆಂತರಿಕ ಮೀಸಲಾತಿಗೆ ಒತ್ತಾಯಿಸುತ್ತಿದೆ.
