ಅಶ್ವಿನ್ ಹೊರತುಪಡಿಸಿ ಈ ಹಿಂದೆ ಇಯಾನ್ ಬೋಥಮ್, ವಾಸಿಂ ಅಕ್ರಮ್, ಮಿಚೆಲ್ ಸ್ಟಾರ್ಕ್ ಮತ್ತು ಸೈಮನ್ ಹಾರ್ಮರ್ ಮಾತ್ರ ಟೆಸ್ಟ್‌ನಲ್ಲಿ ಈ ಸಾಧನೆ ಮಾಡಿದ್ದಾರೆ. ಅಂದರೆ ತಂದೆ ಮತ್ತು ಮಗನ ವಿಕೆಟ್‌ಗಳನ್ನು ಬೇರೆ ಬೇರೆ ಸಂದರ್ಭಗಳಲ್ಲಿ ಪಡೆದಿದ್ದಾರೆ.

ಈ ನಡುವೆ ಟಾಗೆನರೈನ್ ಅವರನ್ನು ಕ್ಲೀನ್‌ ಬೌಲ್ಡ್‌ ಮಾಡುವ ಮೂಲಕ ಅಶ್ವಿನ್ ಟೆಸ್ಟ್‌ನಲ್ಲಿ ಅತಿ ಹೆಚ್ಚು ಬೌಲ್ಡ್ ಔಟ್ ಮಾಡಿದ ಭಾರತೀಯ ಬೌಲರ್‌ಗಳ ಪಟ್ಟಿಯಲ್ಲಿ ಭಾರತದ ಮಾಜಿ ನಾಯಕ ಹಾಗೂ ಕನ್ನಡಿಗ ಅನಿಲ್ ಕುಂಬ್ಳೆ ಅವರನ್ನು ಹಿಂದಿಕ್ಕಿದ್ದಾರೆ. ಅಶ್ವಿನ್ ಒಟ್ಟು 95 ಬಾರಿ ಕ್ಲೀನ್‌ ಬೌಲ್ಡ್‌ ಮಾಡುವ ಮೂಲಕ ಬ್ಯಾಟರ್ ಅನ್ನು ಔಟ್‌ ಮಾಡಿದ್ದಾರೆ. ಇದು ಕುಂಬ್ಳೆಗಿಂತ ಒಂದು ವಿಕೆಟ್ ಹೆಚ್ಚು. 88 ಬಾರಿ ಸ್ಟಂಪ್‌ಗಳನ್ನು ಉರುಳಿಸಿರುವ ಕಪಿಲ್ ದೇವ್ ಈ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ.