‘ಸ್ಲಮ್‌ನ ರಾಜಕುಮಾರಿ’ (Princess of the Slum) ಎಂದೂ ಕರೆಯಲ್ಪಡುವ ಮಲೀಶಾ ಖಾರ್ವಾ ತಮ್ಮ ಜೀವನದಲ್ಲಿ ಬಂದಿರುವ ಹೊಸ ಅವಕಾಶಗಳ ಬಗ್ಗೆ ಪ್ರತಿಕ್ರಿಯಿಸಿದ್ದು, ” ನಾನು ಈಗ ಎಲ್ಲಿದ್ದೇನೆ ಎಂಬುದರ ಬಗ್ಗೆ ನನಗೆ ತುಂಬಾ ಸಂತೋಷವಾಗಿದೆ. ಜನರು ನನ್ನನ್ನು ಎಲ್ಲಿಂದಲೋ ನೋಡುತ್ತಾರೆ ಮತ್ತು ಸಾಮಾಜಿಕ ಜಾಲತಾಣಗಳಿಂದ ನನ್ನನ್ನು ಗುರುತಿಸುವ ಸಂದರ್ಭಗಳಿವೆ. ಅವರು ತಾವೂ ನಿಮ್ಮ ಅಭಿಮಾನಿಗಳು ಎಂದಾಗ ತುಂಬಾ ಹೆಮ್ಮೆ ಮತ್ತು ಸಂತೋಷವನ್ನು ನೀಡುತ್ತದೆ” ಎಂದು ಹೇಳಿದ್ದಾರೆ.

ಮಲೀಶಾ ಖಾರ್ವಾ ಅವರನ್ನು 2020 ರಲ್ಲಿ ಹಾಲಿವುಡ್ ನಟ ರಾಬರ್ಟ್ ಹಾಫ್‌ಮನ್ ಮುಂಬೈನಲ್ಲಿ ಗುರುತಿಸಿದ್ದರು. ಆ ಸಂದರ್ಭದಲ್ಲಿ ಆಕೆಗೆ ಗೋ ಫಂಡ್ ಮಿ ಪುಟವನ್ನು ಸ್ಥಾಪಿಸಿ ಫಂಡ್​ ಸಂಗ್ರಹಿಸಿದ್ದರು. ನಂತರ ಆಕೆಗೆ ಇನ್​ಸ್ಟಾಗ್ರಾಮ್ ಖಾತೆ ತೆರದುಕೊಟ್ಟಿದ್ದರು. ಈ ಘಟನೆ ನಂತರ ಮಲೀಶಾ ಅವರ ಜೀವನವೇ ಬದಲಾಗಿದೆ. ಕೆಲವು ಬ್ರಾಂಡ್​ಗಳಿಗೆ ರಾಯಭಾರಿಯಾಗಿರುವ ಆಕೆ ಮಾಡೆಲಿಂಗ್ ಉದ್ಯಮದಲ್ಲಿ ತನ್ನದೇ ಆದ ವೇಗದಲ್ಲಿ ಬೆಳೆಯುತ್ತಿದ್ದಾಳೆ. ಇದೀಗ ಹಾಲಿವುಡ್​ ಸಿನಿಮಾ ಆಫರ್​ ಬಂದಿರುವುದು ಯಾರಾದರೂ ಜೀವನದಲ್ಲಿ ಭರವಸೆಯನ್ನು ಕಳೆದುಕೊಳ್ಳಬಾರದು ಎನ್ನುವುದಕ್ಕೆ ನಿದರ್ಶನವಾಗಿದೆ.