ಸ್ಯಾಂಡಲ್‌ವುಡ್ ನಟಿ, ಖ್ಯಾತ ನಿರ್ದೇಶಕ ರಾಜೇಂದ್ರ ಸಿಂಗ್ ಬಾಬು ಪುತ್ರಿ ರಿಷಿಕಾ ಸಿಂಗ್ ಬಣ್ಣದ ಲೋಕಕ್ಕೆ ಮತ್ತೆ ಕಮ್ ಬ್ಯಾಕ್ ಮಾಡುವ ತಯಾರಿಯಲ್ಲಿದ್ದಾರೆ. ಲಾಕ್ ಡೌನ್ ಸಮಯದಲ್ಲಿ ಭೀಕರ ರಸ್ತೆ ಅಪಘಾತದಿಂದ ಬೆನ್ನು ಮೂಳೆ ಮುರಿದುಕೊಂಡಿದ್ದ ರಿಷಿಕಾ ಎದ್ದು ನಡೆಯುವ ಸ್ಥಿತಿಯಲ್ಲಿ ಇರಲಿಲ್ಲ. ಆದರೀಗ ಚೇತರಿಸಿಕೊಳ್ಳುತ್ತಿರುವ ರಿಷಿಕಾ ಬಹುತೇಕ ಗುಣಮುಖರಾಗಿದ್ದಾರೆ. ಮತ್ತೆ ಆಕ್ಟೀವ್ ಆಗಿದ್ದಾರೆ. ಮೊದಲಿನ ಹಾಗೆ ಬಣ್ಣದ ಲೋಕದಲ್ಲಿ ಸಕ್ರೀಯವಾಗುವ ಕನಸುಕಂಡಿದ್ದಾರೆ. ರಿಷಿಕಾ ಸದ್ಯ ಅನೇಕ ವಾಹಿನಿಗಳಿಗೆ ಸಂದರ್ಶನಗಳನ್ನು ನೀಡುತ್ತಿದ್ದಾರೆ. ಇತ್ತೀಚೆಗೆ ಸೈಕಲ್ ಗ್ಯಾಪ್ ಎನ್ನುವ ಯೂಟ್ಯೂಬ್ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ರಿಷಿಕಾ ಅನೇಕ ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ. ಮದುವೆ ಮುರಿದು ಬಿದ್ದ ಬಗ್ಗೆ, ಬಿಗ್ ಬಾಸ್ ಎಂಟ್ರಿ ಬಗ್ಗೆ ಮಾತನಾಡಿದ್ದಾರೆ. ಇದೇ ವೇಳೆ ಝೀ ಬ್ಯುಸಿನೆಸ್ ಹೆಡ್ ರಾಘವೇಂದ್ರ ಹುಣುಸೂರು ಬಗ್ಗೆ ಶಾಕಿಂಗ್ ಕೇಳಿಕೆ ನೀಡಿದ್ದಾರೆ. 

ಸಂದರ್ಶನದಲ್ಲಿ ಮಾತನಾಡಿದ ರಿಷಿಕಾ, ‘ಬಿಗ್ ಬಾಸ್ ಗೆ ಕರೆ ಮಾಡಿದ್ದರು. ಆಗ ನಾನು ಮದುವೆ ಆಗೋಕೆ ನಿರ್ಧರಿಸಿದ್ದೆ. ಅದೇ ಸಮದಲ್ಲಿ ಬಿಗ್ ಬಾಸ್‌ಗೆ ಆಫರ್ ಬಂತು. ಆಗ ರಾಘವೇಂದ್ರ ಹುಣಸುರು ಅವರನ್ನು ಭೇಟಿಯಾದೆ. ಈಗ ಅವರಿಗೆ ಸಿಕ್ಕಾಪಟ್ಟೆ ಗಾಂಚಲಿ ಬಂದಿದೆ. ಉದ್ದಾರ ಅಂತು ಆಗಲ್ಲ. ಸದ್ಯದಲ್ಲೇ ನಾನು ನಿಮ್ಮನ್ನು ನೋಡ್ತೀರಿ. ಈಗ ಶತ್ರು ಹಾಗೆ ಆಡ್ತಿದ್ದೀರಾ. ಆದರೂ ಫ್ರೆಂಡ್ ಅನ್ಕೊಂತಿನಿ. ನಾವು ಕಾಫಿ ಡೇಯಲ್ಲಿ ಮೀಟ್ ಆದ್ವಿ’ ಎಂದು ರಿಷಿಕಾ ಹೇಳಿದ್ದಾರೆ.