ಸಿನಿಮಾ ಕ್ಷೇತ್ರ ಯಾಕೆ?

ಬೆಂಗಳೂರಿನ ಪ್ರತಿಷ್ಠಿತ ಸಂಸ್ಥೆಯಲ್ಲಿ ಜರ್ನಲಿಸಂ ಮತ್ತು ಮಾಸ್ ಕಮ್ಯೂನಿಕೇಷನ್‌ನಲ್ಲಿ (Journalism & Mass Communication) ಪದವಿ ಪಡೆದ ನಂತರ ಕೆಲವು ವರ್ಷಗಳ ಕಾಲ ಪಿಆರ್‌ ಸಂಸ್ಥೆ ಒಂದರಲ್ಲಿ ಕೆಲಸ ಮಾಡಿದ್ದಾರೆ. ಕೈ ತುಂಬಾ ಸಂಪಾದನೆ ಮಾಡುತ್ತಿದ್ದರೂ ಕೆಲಸದಲ್ಲಿ ನೆಮ್ಮದಿ ಇಲ್ಲದ ಕಾರಣ ಧನ್ಯಾ ಈ ನಿರ್ಧಾರ ಕೈಗೊಂಡರಂತೆ. 

ದಿನವೂ ಕೆಲಸಕ್ಕೆ ಹೋಗುವ ಮುನ್ನ ಸಂತೋಷವಿರುತ್ತಿರಲಿಲ್ಲ ಒಂದು ದಿನ ಕೆಲಸ ಒತ್ತಡ ಹೆಚ್ಚಾಗಿತ್ತು. ಇಲ್ಲ ಇದು ನನ್ನ ಕೈಯಲ್ಲಿ ಆಗುವುದಿಲ್ಲ ನಾನು ಇಷ್ಟ ಪಡುವ ಕೆಲಸವನ್ನೇ ಆಯ್ಕೆ ಮಾಡಿಕೊಳ್ಳುತ್ತೇನೆ. ನಾನು ಮನೆಗೆ ಹೋಗಿ ಈ ವಿಚಾರವನ್ನು ಅಮ್ಮನಿಗೆ ತಿಳಿಸುತ್ತೇನೆ ಎಂದು ನಿರ್ಧರಿಸಿಕೊಂಡು ತಮ್ಮ ಕನಸಿನ ಕೆಲಸದ ಬಗ್ಗೆ ಹಂಚಿಕೊಂಡರಂತೆ. ಧನ್ಯಾ ಸಿನಿಕ್ಷೇತ್ರ ಪ್ರವೇಶಿಸುತ್ತಾಳೆ ಎನ್ನುವ ಸಣ್ಣ ಅನುಮಾನ ತಾಯಿ ಅವರಿಗೆ ಇತ್ತಂತೆ ಆದರೆ ಇಷ್ಟು ಬೇಗ ಎಂದುಕೊಂಡಿರಲಿಲ್ಲ. ಅದರಲ್ಲೂ ರಾಜ್‌ಕುಮಾರ್ ಕುಟುಂಬದಿಂದ ಇದೇ ಮೊದಲ ಹೆಣ್ಣು ಮಗಳ ಲೈಮ್‌ ಲೈಟ್‌ ಕಡೆ ಮುಖ ಮಾಡುತ್ತಿರುವ ಕಾರಣ ಧನ್ಯಾ ಮೇಲೆ ಜವಾಬ್ದಾರಿ ಹೆಚ್ಚಾಗಿದೆ. ಮುಂದೊಂದು ದಿನ ನಾನು ನನ್ನ ಕನಸನ್ನು ಫಾಲೋ ಮಾಡಿಲ್ಲ ಎಂದು ರಿಗ್ರೆಟ್ (Regret) ಮಾಡಬಾರದು. ಹೀಗಾಗಿ ಗಟ್ಟಿ ಮನಸ್ಸು ಮಾಡಿಕೊಂಡು ಮನೆಯಲ್ಲಿ ಎಲ್ಲರಿಗೂ ಹೇಳಿದೆ ಎಂದು ನಟಿ ಧನ್ಯಾ ಸಂದರ್ಶನದಲ್ಲಿ ಹೇಳಿದ್ದಾರೆ.