ಈ ವರ್ಷ ಪದವಿ ಮುಗಿಸಿರುವ ರಾಯಚೂರು ಸೇರಿದಂತೆ ಗುಲ್ಬರ್ಗಾ ವಿವಿ ಅಡಿ ಬರುವ ಕಾಲೇಜುಗಳ ಸಾವಿರಾರು ವಿದ್ಯಾರ್ಥಿಗಳಿಗೆ ತಮ್ಮಿಚ್ಚೆಯ ಕಾಲೇಜುಗಳಲ್ಲಿ ಬಿಎಡ್ ಹಾಗೂ ಸ್ನಾತಕೋತ್ತರ ಪದವಿಗೆ ಸೇರುವ ಅವಕಾಶ ಮಿಸ್ ಆಗಿದೆ. ಒಳ್ಳೆಯ ಅಂಕಪಡೆದಿದ್ದರೂ ಒಂದು ವರ್ಷ ಮನೆಯಲ್ಲೇ ಕುಳಿತಕೊಳ್ಳಬೇಕಾದ ಪರಸ್ಥಿತಿ ಎದುರಾಗಿದೆ. ಸರಿಯಾದ ಸಮಯಕ್ಕೆ ಫಲಿತಾಂಶ ನೀಡದ ಗುಲ್ಬರ್ಗಾ ವಿಶ್ವವಿದ್ಯಾಲಯದ ಮಹಾಎಡವಟ್ಟೇ ಇದಕ್ಕೆ ಕಾರಣ. ರಾಯಚೂರಿನ ಡಯಟ್ ಸೇರಿ ವಿವಿಧ ಸರ್ಕಾರಿ ಕಾಲೇಜಿಗಳಿಗೆ ಬಿಎಡ್ ಗಾಗಿ ಅರ್ಜಿಹಾಕಿದ್ದ ವಿದ್ಯಾರ್ಥಿಗಳಿಗಳು 6ನೇ ಸೆಮಿಸ್ಟರ್ ಫಲಿತಾಂಶ ತಡವಾಗಿ ಬಂದಿದ್ದಕ್ಕೆ ಮೆರಿಟ್ ಲಿಸ್ಟ್ ನಲ್ಲಿ ಆಯ್ಕೆಯಾದ್ರೂ ದಾಖಲೆ ಪರಿಶೀಲನೆ ಸುತ್ತಿನಲ್ಲಿ ಸೀಟ್ ಕಳೆದುಕೊಂಡಿದ್ದಾರೆ.

ಜನವರಿ 11 ರವರೆಗೆ ದಾಖಲೆ ಪರಿಶೀಲನೆ ಅವಕಾಶ ನೀಡಲಾಗಿತ್ತು. ಆದರೆ ಜನವರಿ 16ಕ್ಕೆ ಫಲಿತಾಂಶ ಹೊರಬಂದಿದ್ದರಿಂದ ವಿದ್ಯಾರ್ಥಿಗಳ ದಾಖಲೆ ಮರುಪರಿಶೀಲನೆ ಮಾಡುತ್ತಿಲ್ಲ. ಹೀಗಾಗಿ ವಿದ್ಯಾರ್ಥಿಗಳು ತಡವಾಗಿ ಬಂದ 6ನೇ ಸೆಮಿಸ್ಟರ್ ಫಲಿತಾಂಶವನ್ನೂ ಪರಿಗಣಿಸಿ ಬಿಎಡ್ ಸಿಟ್ ಕೊಡುವಂತೆ ಒತ್ತಾಯಿಸಿದ್ದಾರೆ. ವಿವಿಯ ತಪ್ಪಿನಿಂದ ನಮಗೆ ಅನ್ಯಾಯವಾಗುತ್ತಿದೆ ಅಂತ ವಿದ್ಯಾರ್ಥಿಗಳು ಆರೋಪಿಸಿದ್ದಾರೆ.