ಉಡುಪಿ: ಕಲಿಯುವ ಹೆಣ್ಣುಮಕ್ಕಳು ಇಂತಹ ರಾದ್ದಾಂತ ಮಾಡಿವುದಿಲ್ಲ ಎಂದು ಉಡುಪಿ ಶಾಸಕ ರಘುಪತಿ ಬಟ್ ಅಸಮಾಧಾನ ಹೊರಹಾಕಿದ್ದಾರೆ.

ಒಟ್ಟು 12 ಮಂದಿ ವಿದ್ಯಾರ್ಥಿನಿಯರು ಮೊದಲಿಗೆ ಹಿಜಾಬ್ ಬೇಕು ಎಂದಿದ್ದರು. ಅವರಲ್ಲಿ 6 ಮಂದಿ ವಾಪಾಸ್ ಬಂದಿದ್ದಾರೆ. ಈ 12 ಮಂದಿಗೆ ಒಂದು ಗುಪ್ತ ಸ್ಥಳದಲ್ಲಿ ಟ್ರೇನಿಂಗ್ ಆಗಿದೆ. ದೊಡ್ಡ ಷಡ್ಯಂತ್ರ ಇದರಲ್ಲಿ ಇದೆ, ಆ ಮಕ್ಕಳು ಅಶಿಸ್ತಿನ ಮಕ್ಕಳು. ಅವರಿಗೆ ಸರಿಯಾಗಿ ಅಟೆಂಡೆನ್ಸ್ ಇಲ್ಲ ಎಂದು ಶಾಸಕ ರಘುಪತಿ ಭಟ್  ಅಸಮಾಧಾನ ಹೊರಹಾಕಿದ್ದಾರೆ.

ನಾನು ಮುಸ್ಲಿಂ ಮುಖಂಡರನ್ನೂ ದೂರೂವುದಿಲ್ಲ. ಪ್ರಾರಂಭಿಕ ಹಂತದಲ್ಲಿ ಕಾಂಗ್ರೆಸ್ ಮುಖಂಡರನ್ನೂ ದೂರುವುದಿಲ್ಲ. ಎಸ್ ಡಿ ಪಿ ಐ ಮತ್ತು ಕ್ಯಾಂಪಸ್ ಫ್ರಂಟ್ ಇದರಲ್ಲಿದೆ. ಮುಸ್ಲಿಂ ವೋಟ್ ಬ್ಯಾಂಕ್ ಬೇಕು ಎಂಬ ಕಾರಣಕ್ಕಾಗಿ ಅವರು ದುಮುಕಿದ್ದಾರೆ. ಇದರಿಂದಾಗಿ ಉಡುಪಿಯ ಸೌರ್ಹಾದತೆಗೆ ಧಕ್ಕೆ ಆಯಿತು ಎಂದು ಶಾಸಕ ರಘುಪತಿ ಭಟ್ ಹೇಳಿಕೆ ನೀಡಿದ್ದಾರೆ.