ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (BSNL) ಹೊಸ 197 ರೂಪಾಯಿ ಪ್ರಿಪೇಯ್ಡ್ ರೀಚಾರ್ಜ್ ( prepaid recharge) ಯೋಜನೆಯನ್ನು ಪ್ರಕಟಿಸಿದೆ. ಹೊಸ ಯೋಜನೆಯು 150 ದಿನಗಳವರೆಗೆ ಮಾನ್ಯತೆ ಮತ್ತು ದಿನಕ್ಕೆ 2ಜಿಬಿ ಹೆಚ್ಚಿನ ವೇಗದ ಡೇಟಾವನ್ನು (BSNL Best Prepaid Plan) ನೀಡುತ್ತದೆ. ಜೊತೆಗೆ, ಬಳಕೆದಾರರು ಉಚಿತ ಅನಿಯಮಿತ ಕರೆಗಳು ಮತ್ತು ಉಚಿತ ಎಸೆಮೆಸ್ ಸಂದೇಶಗಳನ್ನು ಸಹ ಪಡೆಯುತ್ತಾರೆ.
ಹೊಸ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯೊಂದಿಗೆ ಡೈಲಿ ಡಾಟಾ ಲಿಮಿಟ್ ಮತ್ತು ಅನಿಯಮಿತ ಕರೆಗಳ ಬಗ್ಗೆ ಎಚ್ಚರಿಕೆ ಇದೆ. ಈ 197 ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಯು ಭಾರತದಲ್ಲಿ ಅತ್ಯಂತ ಲಾಭದಾಯಕ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಗಳಲ್ಲಿ ಒಂದಾಗಿದೆ. ಹೊಸ ಬಿ‌ಎಸ್‌ಎನ್‌ಎಲ್ ಪ್ರೀಪೇಯ್ಡ್ ರೀಚಾರ್ಜ್ ಪ್ಲಾನ್, ಬೆಲೆ ರೂ. 197, ಎಲ್ಲಾ ವಲಯಗಳಲ್ಲಿ ಪ್ಲಾನ್ ವಿಸ್ತರಣೆಯ ಅಡಿಯಲ್ಲಿ ಲಭ್ಯವಿದೆ. ಈ ಯೋಜನೆಯನ್ನು ಪ್ರಿಪೇಯ್ಡ್ ರೀಚಾರ್ಜ್ ವೆಬ್‌ಸೈಟ್‌ನಲ್ಲಿ ಪಟ್ಟಿ ಮಾಡಲಾಗಿದೆ.
ಈ 197 ಪ್ರಿಪೇಯ್ಡ್ ರೀಚಾರ್ಜ್ ಪ್ಲಾನ್ ಅಡಿಯಲ್ಲಿ ಬಳಕೆದಾರರು ರೀಚಾರ್ಜ್‌ನ ಮೊದಲ 18 ದಿನಗಳವರೆಗೆ ಕೇವಲ 2ಜಿಬಿ ಹೈ-ಸ್ಪೀಡ್ ಡೇಟಾ ಮತ್ತು ಅನಿಯಮಿತ ಕರೆಗಳನ್ನು ಪಡೆಯುತ್ತಾರೆ. ಅದರ ನಂತರ, ವ್ಯಾಲಿಡಿಟಿಯ ಉಳಿದ ದಿನಗಳಲ್ಲಿ ವೇಗವು 40ಕೆಬಿಪಿಎಸ್ ಗೆ ಇಳಿಯುತ್ತದೆ. ಬಳಕೆದಾರರು ಇನ್ನೂ ಉಚಿತ ಒಳಬರುವ ಕರೆಗಳನ್ನು ಪಡೆಯುತ್ತಾರೆ ಆದರೆ ಹೊರಹೋಗುವ ಕರೆಗಳಿಗೆ, ಕರೆಗಳನ್ನು ಮಾಡಲು ಸಾಕಷ್ಟು ಬ್ಯಾಲೆನ್ಸ್ ಅನ್ನು ಸೇರಿಸಲು ಅವರು ತಮ್ಮ ಯೋಜನೆಯನ್ನು ಟಾಪ್ ಅಪ್ ಮಾಡಬೇಕಾಗುತ್ತದೆ.