ಪ್ರತಿ ಮನೆ ಮನೆಗೆ ತೆರಳಿ ಮನೆಯ ಸದಸ್ಯರನ್ನ ಭೇಟಿ ಮಾಡಿ ತಮ್ಮ ಪತಿ ಬೊಮ್ಮಾಯಿಗೆ ಮತ ಹಾಕುವಂತೆ ಮನವಿ ಮಾಡಿದರು. ಅಲ್ಲದೆ ಈ ಬಾರಿ ತಮ್ಮ ಪತಿ ಬೊಮ್ಮಾಯಿಗೆ ರಾಜ್ಯದ ಜವಾಬ್ದಾರಿ ಇದೆ. ಅವರು ನಿಮ್ಮನ್ನು ಭೇಟಿ ಆಗಲು ಉತ್ಸುಕರಾಗಿದ್ದಾರೆ ಆದರೆ ಜವಾಬ್ದಾರಿ ಹೆಚ್ಚು ಇರುವದರಿಂದ ಭೇಟಿಯಾಗಲು ಸಾಧ್ಯವಾಗುತ್ತಿಲ್ಲ. ಅವರೇ ನಿಮ್ಮಿಂದ ಮತಯಾಚನೆ ಮಾಡಿದ್ದಾರೆ ಎಂದು ತಿಳಿದು ಸಿಎಂ
ಬಸವರಾಜ್ ಬೊಮ್ಮಾಯಿಗೆ ಮತ ಹಾಕುವಂತೆ ಮನವಿ ಮಾಡಿದರು. ಇನ್ನು ಕೆಲ ಗಾರ್ಮೆಂಟ್ಸ ಕಾರ್ಮಿಕರ ಭೇಟಿ ಮಾಡಿದ ಚೆನ್ನಮ್ಮ ಕಾರ್ಮಿಕರ ಕಷ್ಟ ಸುಖಗಳ ಮಾಹಿತಿ ಪಡೆದರು. ತಮ್ಮ ಪತಿ ಈಗಾಗಲೇ ಶಿಗ್ಗಾಂವಿ ಸವಣೂರು ಕ್ಷೇತ್ರಗಳಲ್ಲಿ ಸಾಕಷ್ಟು ಕೆಲಸ ಮಾಡಿದ್ದು ಹತ್ತಾರು ಗಾರ್ಮೆಂಟ್ಸ್ ಫ್ಯಾಕ್ಟರಿ ತೆರೆದು ಸಾವಿರಾರು ಮಹಿಳೆಯರಿಗೆ ಕೆಲಸ ನೀಡಿದ್ದಾರೆ. ಈ ಬಾರಿ ಸಹ ಆಯ್ಕೆಯಾದರೇ ಇನ್ನು ಹೆಚ್ಚು ಮಹಿಳೆಯರಿಗೆ ಉದ್ಯೋಗ ನೀಡುವದಾಗಿ ಚೆನ್ನಮ್ಮ ತಿಳಿಸಿದರು.