ಬಿಹಾರ: ವಾಮಾಚಾರದಲ್ಲಿ ತೊಡಗಿದ್ದ ವ್ಯಕ್ತಿಯೊಬ್ಬ ತನ್ನ 7 ವರ್ಷದ ಮಗನನ್ನು ವಿಜಯದಶಮಿಯ ರಾತ್ರಿ ಬಲಿಕೊಟ್ಟ ಕ್ರೂರ ಘಟನೆಯೊಂದು ಬಿಹಾರದಲ್ಲಿ ನಡೆದಿದೆ. ವಾಮಾಚಾರವನ್ನು ಅಭ್ಯಾಸ ಮಾಡುತ್ತಿದ್ದ ಆರೋಪಿ ದೀಪಕ್ ಶರ್ಮಾ, ಬ್ಲಾಕ್ ಮ್ಯಾಜಿಕ್ ಮಂತ್ರಗಳನ್ನು ಗಳಿಸಲು ವಿಜಯ ದಶಮಿಯ ರಾತ್ರಿ ತನ್ನ ಏಳು ವರ್ಷದ ಮಗ ರಾಘವ್ ಕುಮಾರ್‌ನನ್ನು ಕತ್ತು ಹಿಸುಕಿ ಕೊಂದು ಹಾಕಿದ್ದಾನೆ. ಬಂಕಾ ಜಿಲ್ಲೆಯ ಅಮರಪುರ ಪೊಲೀಸ್ ಠಾಣೆ ವ್ಯಾಪ್ತಿಯ ಮಹೋಟಾ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ವಿಜಯದಶಮಿಯ ರಾತ್ರಿ ತನ್ನ ಪತಿ ತನ್ನ ಮಗ ರಾಘವ್‌ನನ್ನು ಕೊಂದಿದ್ದಾನೆ ಎಂದು ಮೃತನ ತಾಯಿ ಖುಷ್ಬೂ ದೇವಿ ಹೇಳಿಕೆಯಲ್ಲಿ ಆರೋಪಿಸಿದ್ದಾರೆ.