ಆಟೋ ಚಾಲಕರ ಸಂಬಂಧಿಕರು, ಹಾಗೂ ಮನೆಯವರು ಆಸ್ಪತ್ರೆಯಲ್ಲಿ ದಾಖಲಾದವರಿಗೆ ಆಟೋದಲ್ಲಿ ಬಂದು ರೋಗಿಗಳಿಗೆ ಬೇಕಾದ ಊಟ ಹಾಗೂ ಅಗತ್ಯದ ಸಾಮಾಗ್ರಿಗಳನ್ನು ತಂದು ಬರುವ ಸಂದರ್ಭದಲ್ಲಿ ಕೂಡಾ ರಿಕ್ಷಾಗಳಿಗೆ ಒಳಗೆ ಪ್ರವೇಶ ಇಲ್ಲದ್ದರಿಂದ, ತಮ್ಮ ರಿಕ್ಷಾವನ್ನು ಮಾರ್ಗ ದ ಬದಿಯಲ್ಲಿ ನಿಲ್ಲಿಸಿ, ಅಲ್ಲಿಂದ ಬೇರೆ ಬಾಡಿಗೆ ರಿಕ್ಷಾದಲ್ಲಿ ರೋಗಿಗಳ ಸಾಮಾಗ್ರಿಗಳನ್ನು ಆಸ್ಪತ್ರೆಗೆ ತಲುಪಿಸುವ ಪರಿಸ್ಥಿತಿ ಬಂದಿದೆ. ಮಾರ್ಗದ ಬದಿಯಲ್ಲಿ ರಿಕ್ಷಾ ನಿಲ್ಲಿಸಿದ್ದಕ್ಕೆ ಪೊಲೀಸರಿಗೂ ಶುಲ್ಕವನ್ನು ಪಾವತಿಸುವಂತಾಗಿದೆ. ತಮ್ಮ ಈ ನೀತಿಯಿಂದಾಗಿ ಬಡ ರಿಕ್ಷಾ ಚಾಲಕರು ತೀರಾ ಸಂಕಷ್ಟಕ್ಕೀಡಾಗಿದ್ದಾರೆ. ಬೇರೆ ಎಲ್ಲಾ ಆಸ್ಪತ್ರೆಯಲ್ಲಿ ರಿಕ್ಷಾದವರಿಗೆ ಪಾರ್ಕಿಂಗ್ ವ್ಯವಸ್ಥೆ ಇದ್ದು, ತಮ್ಮ ಆಸತ್ರೆಯಲ್ಲಿ ಈ ತಾರತಮ್ಯ ಏಕೆ ಎಂದು ಆರೋಪಿಸಿದ್ದಾರೆ. ಇನ್ನಾದರೂ ಬಡ ರಿಕ್ಷಾ ಚಾಲಕರ ಸಮಸ್ಯೆಯನ್ನು ಮನಗಂಡು ಆಸತ್ರೆಯಲ್ಲೂ ರಿಕ್ಷಾಗಳಿಗೆ ಪಾರ್ಕಿಂಗ್ ವ್ಯವಸ್ಥೆ ಕಲ್ಪಿಸಿಕೊಡುವಂತೆ ಮನವಿ ಸಲ್ಲಿಸಿದ್ದಾರೆ.