ಉಡುಪಿ: ಧರಣಿ ನಡೆಸುತ್ತಿರುವ ವಿದ್ಯಾರ್ಥಿನಿಯರು ತರಗತಿಗಳಲ್ಲಿ ಮೊದಲಿಗೆ ಹಿಜಾಬ್ ಧರಿಸುತ್ತಿರಲಿಲ್ಲ ಎಂದು ಧರಣಿ ನಡೆಸುತ್ತಿರುವ ವಿದ್ಯಾರ್ಥಿನಿಯರ ಸಹಪಾಠಿ ಹೇಳಿಕೆ ನೀಡಿದ್ದಾಳೆ. ರಾಜ್ಯದ ಪ್ರಮುಖ ಮಾಧ್ಯಮಕ್ಕೆ ನೀಡಿದ ಹೇಳಿಕೆಯಲ್ಲಿ ವಿದ್ಯಾರ್ಥಿನಿ ಹೇಳಿಕೆ ನೀಡಿದ್ದಾರೆ.

ಉಡುಪಿಯ ಕಾಲೇಜಿನಲ್ಲಿ ಹಿಜಾಬ್ ಧರಿಸಲು ಅನುಮತಿ ಇಲ್ಲ. ಪ್ರಾಂಶುಪಾಲರೇ ಈ ಬಗ್ಗೆ ಸಾಕಷ್ಟು ಬಾರಿ ಹೇಳಿದ್ದರು. ಬೇರೆ ಮುಸ್ಲಿಂ ವಿದ್ಯಾರ್ಥಿನಿಯರಿಗೆ ಸಮಸ್ಯೆ ಇಲ್ಲ. ಈ 6 ವಿದ್ಯಾರ್ಥಿನಿಯರಿಗೆ ಮಾತ್ರ ಹಿಜಾಬ್ ಸಮಸ್ಯೆ. ಇವರನ್ನು ಯಾರೋ ಪ್ರಭಾವಿಸಿದ್ದಾರೆ’ ಎಂದು ಸಹಪಾಠಿ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.

ಪ್ರತಿಭಟನೆ ನಡೆಸುತ್ತಿರುವ ಮೂರು ವಿದ್ಯಾರ್ಥಿನಿಯರಿಗೆ ಈಕೆ ಸಹಪಾಠಿಯಾಗಿದ್ದಾಳೆ. ಆಕೆ ನೀಡಿರುವ ಮಾಹಿತಿಯ ಪ್ರಕಾರ, ‘ಈ ವಿದ್ಯಾರ್ಥಿನಿಯರು ತರಗತಿಯಲ್ಲಿ ಹಿಜಾಬ್ ಹಾಕುತ್ತಿರಲಿಲ್ಲ. ರೂಲ್ಸ್ ಗೊತ್ತಿರದವರು ಕಾಲೇಜು ಆರಂಭದಲ್ಲಿ ಹಾಕಿಕೊಂಡು ಬರುತ್ತಿದ್ದರು. ರೂಲ್ಸ್ ತಿಳಿಸಿದ ನಂತರ ಎಲ್ಲರೂ ಹಿಜಾಬ್ ತೆಗೆದಿರಿಸಿದರು. ಈ ವಿದ್ಯಾರ್ಥಿನಿಯರು ಕೂಡ ಒಂದುವರೆ ವರ್ಷ ಹಿಜಾಬ್ ಧರಿಸಿರಲಿಲ್ಲ. ನಮ್ಮ ಕಾಲೇಜಿನ ಇತರ ಮುಸ್ಲಿಂ ವಿದ್ಯಾರ್ಥಿನಿಯರಿಗೆ ಯಾವುದೇ ಸಮಸ್ಯೆ ಇಲ್ಲ. ಇವರಿಗೆ ಯಾರೋ ಪ್ರೇರಣೆ ಕೊಟ್ಟು ಒತ್ತಾಯ ಮಾಡಿಸುತ್ತಿದ್ದಾರೆ’ ಎಂದು ಹೇಳಿದ್ದಾಳೆ.

ಹಿಜಾಬ್ ವಿವಾದದಿಂದ ಉಂಟಾಗುತ್ತಿರುವ ಸಮಸ್ಯೆಗಳ ಕುರಿತು ಆತಂಕ ಹಂಚಿಕೊಂಡಿರುವ ವಿದ್ಯಾರ್ಥಿನಿ, ‘‘ಸೆಕೆಂಡ್ ಪಿಯುಸಿ ಪರೀಕ್ಷೆ ವೇಳಾಪಟ್ಟಿ ಬಂದಿದೆ. ಈ ರೀತಿ ಮಾಡಿದರೆ ನಮಗೆ ಕಲಿಕೆ ಮಾಡಲು ಸಾಧ್ಯವಿಲ್ಲ ಎಂಬ ಹೇಳಿಕೆ ವಿದ್ಯಾರ್ಥಿನಿ ನೀಡಿದ್ದಾರೆ.