ವಿಧಾನಸೌಧದಲ್ಲಿ ಶುಕ್ರವಾರ ಮುಖ್ಯ ಕಾರ್ಯದರ್ಶಿ ಭೇಟಿಗೆ ಆಗಮಿಸಿದ ಸಾಮಾಜಿಕ ಹೋರಾಟಗಾರ ಟಿಜೆ ಅಬ್ರಹಾಂ, ಬಳಿಕ ಮಾಧ್ಯಮಗಳ ಜೊತೆಗೆ ಮಾತನಾಡಿ ಮುಡಾ ಹಗರಣದಲ್ಲಿ ಹೇಗೆ ಭ್ರಷ್ಟಾಚಾರ ನಡೆದಿದೆ ಎಂಬುದನ್ನು ವಿವರಿಸಿದರು. 

2004ರಲ್ಲಿ 3.16 ಎಕರೆ ಜಮೀನು ಮಾರಾಟ ಆಗುತ್ತೆ. ಸಿದ್ದರಾಮಯ್ಯರ ಭಾವಮೈದ ಮಲ್ಲಿಕಾರ್ಜುನರಿಗೆ ಮಾರಾಟ ಆಗುತ್ತೆ. ಕೆಸರೆ ಗ್ರಾಮದ 464 ಸರ್ವೆ ನಂ.ನಲ್ಲಿ 3.16 ಎಕರೆ ಜಮೀನನ್ನು ದೇವರಾಜು ಎಂಬವರು ಮಾರಾಟ ಮಾಡುತ್ತಾರೆ. ಕೆಸರೆ ಗ್ರಾಮದ ಇದೇ ಸರ್ವೆ ನಂ.ನಲ್ಲಿ ದೇವನೂರು ಬಡಾವಣೆ 2001 ರಲ್ಲಿ ನಿರ್ಮಾಣ ಆಗಿರುತ್ತದೆ. ನಿವೇಶನ, ರಸ್ತೆ, ಪಾರ್ಕ್ ಗಳನ್ನು ಮಾಡಿ ಹಂಚಿಕೆ ಮಾಡಲಾಗಿದೆ ಎಂದು ವಿವರಿಸಿದರು.