ಬೆಂಗಳೂರು: ಮುಂಗಾರು ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಆದರೆ ಕಳೆದ ಮೂರು ವರ್ಷಗಳಿಂದ ಮುಂಗಾರು ಮಾಡುತ್ತಿರುವ ರುದ್ರನರ್ತನ ಕಂಡ ಮಲೆನಾಡು ಅಕ್ಷರಶಃ ಈ ಬಾರಿಯು ಆತಂಕದಲ್ಲಿದೆ. ಮಲೆನಾಡಿನ ಪ್ರಮುಖ ಸ್ಥಳಗಳಾದ ಕೊಡಗು, ಚಿಕ್ಕಮಗಳೂರು ಹಾಗೂ ಶಿವಮೊಗ್ಗ ಅಕ್ಷರಶಹ ಈ ಬಾರಿಯೂ ಆತಂಕದ ನಡುವೆ ಇದೆ ಎಂಬುದು ಅಷ್ಟೇ ಸ್ಪಷ್ಟ. ಬೆಟ್ಟ ಕುಸಿತ, ಕಂಡುಕೇಳರಿಯದ ನದಿಗಳ ಆರ್ಭಟ, ಮಳೆಯ ರುದ್ರನರ್ತನ -ಈ ರೀತಿಯಾಗಿ ಪ್ರತಿವರ್ಷವೂ ಮಲೆನಾಡಿಗೆ ಈ ಮಳೆಯು ತಲೆಬಿಸಿ ತರುತ್ತಿದೆ ಎಂಬುದರಲ್ಲಿ ಎರಡು ಮಾತಿಲ್ಲ. ಅದರಲ್ಲೂ ಕೊಡಗು ಬೆಟ್ಟ ಕುಸಿತಗಳಿಂದ ಕಳೆದ ಎರಡು ವರ್ಷಗಳಿಂದ ರೋಸಿ ಹೋಗಿದೆ. ಕಳೆದ ಎರಡು ವರ್ಷಗಳಿಂದ ಮಳೆಗಾಲದಲ್ಲಿ ಹಲವಾರು ಕೊಡಗಿನ ಬೆಟ್ಟಗಳು ಕುಸಿದಿವೆ. ಈ ಬಾರಿಯು ಇ ರೀತಿ ಆಗದಂತೆ ಇದ್ದರೆ ಸಾಕು ಎನ್ನುತ್ತಾರೆ ಕೊಡಗಿನ ಮಂದಿ.

ಚಿಕ್ಕಮಂಗಳೂರು ಇದಕ್ಕಿಂತ ಹೊರತಲ್ಲ. ಕಳೆದ ಬಾರಿ ಚಿಕ್ಕಮಂಗಳೂರಿನಲ್ಲಿ ಹಲವಾರು ಘಟನೆಗಳು ನಡೆದಿದ್ದು, ಈ ಬಾರಿ ಏನಾಗುತ್ತದೆ ಎಂಬ ಆತಂಕದಲ್ಲೂ ಈ ಪ್ರದೇಶದ ಜನರು ಇದ್ದಾರೆ. ಒಟ್ಟಿನಲ್ಲಿ ಕಳೆದ 2,3 ವರ್ಷಗಳಿಂದ ಮಳೆಗಾಲದ ಸಂದರ್ಭದಲ್ಲಿ ನಡೆಯುತ್ತಿರುವ ಘಟನಾವಳಿಗಳು ನಡೆಯದೆ ಇರಲಿ ಎಂಬುದು ಎಲ್ಲರ ಹಾರೈಕೆ ಆಗಿದೆ.