ತೀರ್ಥಹಳ್ಳಿ: ತೀರ್ಥಹಳ್ಳಿ ನಂದಿತಾ ಸಾವು ಪ್ರಕರಣ ಇದೀಗ ಮುನ್ನೆಲೆಗೆ ಬಂದಿದ್ದು, ಮಾಜಿ ಸಚಿವ ಕಿಮ್ಮನೆ ರತ್ನಾಕರ್ ಪ್ರಕರಣವನ್ನು ಸಿಬಿಐಗೆ ಒಪ್ಪಿಸುವಂತೆ ಪಟ್ಟು ಹಿಡಿದಿದ್ದಾರೆ.
ಶಿವಮೊಗ್ಗದಲ್ಲಿ ಸುದ್ದಿಗೋಷ್ಠಿ ಉದ್ದೇಶಿಸಿ ಮಾತನಾಡಿ, ನಂದಿತಾ ಆತ್ಮಹತ್ಯೆ ಪ್ರಕರಣ ನಡೆದಾಗ ನನ್ನನ್ನು ಟಾರ್ಗೆಟ್ ಮಾಡಲಾಗಿತ್ತು.ಈಗಿನ ಗೃಹ ಸಚಿವ ಆರಗ ಜ್ಞಾನೇಂದ್ರ 18 ಸಭೆಯಲ್ಲಿ ಹೀನಾಮಾನವಾಗಿ ಬೈದಿದ್ದರು. ಈಗ ನೀವೇ ಗೃಹಸಚಿವರೇ ಆಗಿದ್ದೀರಿ. ಈಗಲಾದರೂ ಪ್ರಕರಣ ಸಿಬಿಐಗೆ ನೀಡಿ ತನಿಖೆ ನಡೆಸಿ. ಇದಕ್ಕಾಗಿ ಒತ್ತಾಯಿಸಿ ಜ.30 ರಂದು ತೀರ್ಥಹಳ್ಳಿಯಲ್ಲಿ 24 ಗಂಟೆ ಉಪವಾಸ ಸತ್ಯಾಗ್ರಹ ಕೂರಲಿದ್ದೇನೆ ಎಂದರು.
ಸಿಬಿಐಗೆ ನೀಡಿ ಆರು ತಿಂಗಳಲ್ಲಿ ಫಲಿತಾಂಶ ನೀಡಿ. ನಂದಿತಾ ಪ್ರಕರಣದಲ್ಲಿ ನನ್ನ ಪಾತ್ರ ಕಂಡುಬಂದಿದ್ದು ಸಾಬೀತಾದರೆ ನಾನು ಸಾರ್ವಜನಿಕ ಜೀವನದಿಂದ ಹಿಂದೆ ಸರಿಯುತ್ತೇನೆ. ಮುಂದೆ ಯಾವ ಚುನಾವಣೆಗೂ ಸ್ಪರ್ಧಿಸೊಲ್ಲ, ದೂರ ಆಗುತ್ತೆನೆ ಎಂದು
ಸವಾಲೆಸಿದ್ದಾರೆ. ಆಯುನೂರು ಮಂಜುನಾಥ ನನ್ನನ್ನ ನಾಮರ್ಧ ಎಂದರು. 2018ರಲ್ಲಿ ಅಮಿತ್ ಷಾ ನಂದಿತ ಮನೆಗೆ ತೆರಳಿ ನಮ್ಮ ಸರ್ಕಾರ ಬಂದ ಮೇಲೆ ತಪ್ಪಿತಸ್ದರಿಗೆ ತಕ್ಕ ಶಿಕ್ಷೆ ಅಂದಿದ್ದರು.ನಂದಿತಾಳು 2014ನೇ ಇಸವಿ ಜನವರಿ 29ಕ್ಕೆ ಆತ್ಮಹತ್ಯೆಗೆ ಯತ್ನಿಸಿತ್ತಾಳೆ. ಮರುದಿನ ಮನೆಗೆ ಕರೆದು ಕೊಂಡು ಬರುತ್ತಾರೆ. ಜ.31ಕ್ಕೆ ಸಾವು ಕಾಣುತ್ತಾಳೆ. ರಾತ್ರಿ 11 ಗಂಟೆಗೆ ನಂದಿತಾಳ ಕುಟುಂಬ ತೀರ್ಥಹಳ್ಳಿ ಪೊಲೀಸ್ ಠಾಣೆಯಲ್ಲಿ ಕಂಪ್ಲೇಂಟ್ ಕೊಡುತ್ತಾರೆ. ಕುಟುಂಬದವರು ವಿಷ ಕುಡಿಸಿ ಸಾವು ಎಂದು ದೂರು ಕೊಡುತ್ತಾರೆ. ನಂದಿತಾ ಸಾವು ಕಂಡ ವೈಕುಂಠ ಸಮಾರಾಧನೆಯನ್ನ ಇದೇ ಜ್ಞಾನೇಂದ್ರ ಮೂರು ವರ್ಷ ನಡೆಸಿದ್ದರು. ಅಧಿಕಾರ ಸಿಕ್ಕ ನಂತರ ಕೈಬಿಟ್ಟರು ಎಂದರು.
ನಾನು ಅವರಿಗೆ ಧನಸಹಾಯವನ್ನು ಮಾಡಿದ್ದೇನೆ. ಜ್ಞಾನೇಂದ್ರ 2000 ಹಣನೂ ಕೊಟ್ಟಿದ್ದಾರೋ ಇಲ್ಲವೋ ಗೊತ್ತಿಲ್ಲ.ಈ ವಿಷಯವನ್ನ ರಾಜಕೀಯವಾಗಿ ಬಳಸಿಕೊಳ್ಳಲಾಗಿದೆ. ನನ್ನ ಅವಧಿಯಲ್ಲಿ ಸಿಒಡಿ ತನಿಖೆ ಮಾಡಲಾಗಿದೆ.ಇದನ್ನ ಬಿಜೆಪಿ ಒಪ್ಪಿರಲಿಲ್ಲ. ಅಸೆಂಬ್ಲಿಯಲ್ಲಿ ಸಿದ್ದರಾಮಯ್ಯನವರ ಪ್ರಶ್ನೆಗೆ ಜ್ಞಾನೇಂದ್ರ ಕಿಮ್ಮನೆಯ ರಾಜೀನಾಮೆ ಕೇಳಿಲ್ಲವೆಂದರು. ಆದರೆ ನನ್ನ ರಾಜೀನಾಮೆ ಆಗ್ರಹಿಸಿದ್ದರು ಎಂದು ತಿಳಿಸಿದರು.
ದೇಶದಲ್ಲಿ ಈಗ ಬಿಜೆಪಿಯವರೇ ಶ್ರೀಮಂತರಾಗಿದ್ದು ಪ್ರಧಾನಿ ಮೋದಿ ಎಲ್ಲರ ಜೇಬನ್ನು ಖಾಲಿ ಮಾಡಿದ್ದಾರೆ. ಬಿಜೆಪಿಯವರು ಮಾತ್ರ ಹಣವಂತರಾಗಿದ್ದಾರೆ. ಕೊರೋನದಿಂದ ಕಷ್ಟ ಅನುಭವಿಸುವ ಜನ ಆತ್ಮಹತ್ಯೆಗೆ ಶರಣಾಗುತ್ತಿದ್ದಾರೆ. ಇದು ಬಿಜೆಪಿಯ ದುರಾಡಳಿತದಿಂದ ಎಂದು ದೂರಿದರು.
ಮೇಕೆದಾಟು ಕುರಿತಂತೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಮತ್ತು ವಿಪಕ್ಷ ನಾಯಕ ಸಿದ್ದರಾಮಯ್ಯನವರ ನೇತೃತ್ವದಲ್ಲಿ ನಡೆದ ಬೃಹತ್ ಪಾದಯಾತ್ರೆಗೆ ರಾಜ್ಯದ್ಯಂತ ಸಂಚಲನ ಮೂಡಿಸಿದೆ.
ಗೃಹ ಸಚಿವ ತೀರ್ಥಹಳ್ಳಿಯಲ್ಲಿ ಜಾತ್ರೆ ಮಾಡ್ತಾರೆ ಬೆಂಗಳೂರಿನಲ್ಲಿ ನಿಯಮವೆನ್ನುತ್ತಾರೆ. ಆರಂಭದಲ್ಲಿ 19 ಸೊಂಕಿತ್ತು. ಜಾತ್ರೆ ಮುಗಿದ ನಂತರ 200 ಆಸುಪಾಸ್ ಬಂದಿದೆ. ಇದು ರಾಜ್ಯ ಸರ್ಕಾರದ ಸಚಿವರಲ್ಲೇ ಗೊಂದಲಗಳಿವೆ ಎಂದು ಆರೋಪಿಸಿದರು.