ಈ ಎಲ್ಲ ವಿವಾದಗಳು, ಆರೋಪಗಳು ಇದ್ದರು ಹರೀಶ್ ಪೂಂಜಾ ಬೆನ್ನುಹತ್ತಿ ಬೆಳ್ತಂಗಡಿಯಲ್ಲಿ ಅಭಿವೃದ್ಧಿಕಾರ್ಯಗಳನ್ನು ಮಾಡಿದ್ದಾರೆ ಎನ್ನುತ್ತಾರೆ ಸಾರ್ವಜನಿಕರು. ಈ ರೀತಿ ಅಭಿವೃದ್ಧಿ ಕಾರ್ಯಗಳಿಂದ ವರ್ಚಸ್ಸು ಹೆಚ್ಚು ಮಾಡುತ್ತಿರುವ ಹರೀಶ್ ಪೂಂಜಾ ಅವರಿಗೆ ವಸಂತ ಬಂಗೇರ ಅವರೇ ಸರಿಯಾದ ಅಭ್ಯರ್ಥಿ ಎಂಬುದು ಸಾರ್ವಜನಿಕರ ಅಭಿಪ್ರಾಯ.

ಕಾಂಗ್ರೆಸ್ನಿಂದ ಹರೀಶ್ ಕುಮಾರ್, ರಕ್ಷಿತ್ ಶಿವರಾಂ, ರಂಜನ ಗೌಡ ಪ್ರಬಲ ಆಕಾಂಕ್ಷಿ ಗಳಾಗಿದ್ದಾರೆ. ಆದರೆ ಪ್ರಸ್ತುತ ದಿನೇದಿನೇ ತನ್ನ ಜನಪ್ರಿಯತೆ ಹೆಚ್ಚು ಮಾಡುತ್ತಿರುವ ಹರೀಶ್ ಪೂಂಜಾ ಮುಂದೆ ವಸಂತ ಬಂಗೇರ ಅಭ್ಯರ್ಥಿಯಾದರೆ ಪೈಪೋಟಿ ನೀಡಬಹುದು, ಅಭಿವೃದ್ಧಿ ಕಾರ್ಯಗಳ ಬಗ್ಗೆ ಚರ್ಚೆ ಮಾಡಿ ಚುನಾವಣೆ ನಡೆಸಬಹುದು ಎಂಬ ಅಭಿಪ್ರಾಯ ಸಾರ್ವಜನಿಕರದ್ದು. ಆದರೆ ಪಕ್ಷಗಳ ಒಳ ತೀರ್ಮಾನಗಳು, ಸಮೀಕರಣಗಳು ಯಾರ ಊಹೆಗೂ ನಿಲುಕದ್ದು.