ಬೆಂಗಳೂರು: ರಾತ್ರಿ ಬೀದಿ ನಾಯಿಗಳಿಗೆ ಊಟ ಹಾಕುತ್ತಿದ್ದ ಮಹಿಳೆಗೆ ಪೊಲೀಸ್​ ಕಾನ್ಸ್​ಟೇಬಲ್​ ಮರ್ಮಾಂಗ ತೋರಿಸಿ ಲೈಂಗಿಕ ಕಿರುಕುಳ ನೀಡಿರುವ ಘಟನೆ ಯಲಹಂಕದ ನ್ಯೂಟೌನ್​ನ ಹೌಸಿಂಗ್​ ಬೋರ್ಡ್​ ಬಳಿ ನಡೆದಿದೆ.

ಅಮೃತಹಳ್ಳಿ ಠಾಣೆಯ ಹೆಡ್​​ಕಾನ್​ಸ್ಟೇಬಲ್ ಚಂದ್ರಶೇಖರ್ ವಿರುದ್ಧ ಈ ಗಂಭೀರ ಆರೋಪ ಕೇಳಿ ಬಂದಿದೆ.
ರಾತ್ರಿ ಬರ್ತಡೇ ಪಾರ್ಟಿ ಮುಗಿಸಿ ಮನೆಗೆ ಮರಳುತ್ತಿದ್ದ ವೇಳೆ ಚಂದ್ರಶೇಖರ್​ ಮೂತ್ರ ವಿಸರ್ಜನೆಗೆಂದು ಬೈಕ್​ ನಿಲ್ಲಿಸಿದ್ದಾರೆ. ಇದೇ ಸಂದರ್ಭದಲ್ಲಿ ಮಹಿಳೆಯೊಬ್ಬರು ಬೀದಿ ನಾಯಿಗಳಿಗೆ ಊಟ ಕೊಡಲೆಂದು ಹೊರಗೆ ಬಂದಿದ್ದಾರೆ. ಈ ವೇಳೆ ಮಹಿಳೆಯನ್ನು ನೋಡಿದ ಆರೋಪಿ ಕಾನ್ಸ್​ಟೇಬಲ್ ಆಕೆಗೆ​ ಮರ್ಮಾಂಗವನ್ನು ತೋರಿಸಿ, ಅಸಹ್ಯವಾಗಿ ವರ್ತಿಸಿದ್ದಾರೆ ಎಂದು ಆರೋಪಿಸಲಾಗಿದೆ.
ಪ್ರಕರಣ ನಡೆದ ಸ್ಥಳದಲ್ಲಿ ಯುವತಿಯ ಗೆಳೆಯರೊಂದಿಗೆ ಆರೋಪಿ ಪೋಲೀಸನ ಮಾತಿನ ಚಮುಮುಕಿ ನಡೆದಿದ್ದು, ಈ ಬಗ್ಗೆ ಯುವಕರು ಖಾಸಗಿ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ.

ಘಟನೆ ಕುರಿತು ಯಲಹಂಕ ನ್ಯೂಟೌನ್ ಪೊಲೀಸ್ ಠಾಣೆಯಲ್ಲಿ ಎಫ್​ಐಆರ್​ ದಾಖಲಾಗಿದೆ. ಈಶಾನ್ಯ ವಿಭಾಗದ ಡಿಸಿಪಿ ಸಿ. ಕೆ. ಬಾಬಾ ಅವರು ಆರೋಪಿ ಹೆಡ್​ಕಾನ್ಸ್​​ಟೇಬಲ್​ನನ್ನು ಅಮಾನತು ಮಾಡಿ ಆದೇಶ ಹೊರಡಿಸಿದ್ದಾರೆ.