ಪ್ರಧಾನಿ ಮೋದಿ ಆಗಮನ ವಿವರ, ಭೇಟಿ ಬಗ್ಗೆ ಕಾರ್ಯಕ್ರಮ ವಿವರ ಇನ್ನಷ್ಟೇ ಬರಬೇಕಾಗಿದ್ದು, ಇದು ಎನ್‌ಎಸ್‌ಜಿ ಭದ್ರತೆಗೆ ಒಳಪಟ್ಟಿದ್ದು, ಪ್ರೊಟೋಕಾಲ್‌ ಅನ್ವಯವಾಗುವ ಕಾರಣ ಎಲ್ಲ ಮಾಹಿತಿ ಈಗಲೇ ಬಹಿರಂಗ ಪಡಿಸಲು ಸಾಧ್ಯವಿಲ್ಲ ಎಂದು ಹೇಳಿದರು.

ಮಂಗಳೂರು ಉತ್ತರದಿಂದ ಸುಮಾರು 35 ಸಾವಿರ ಮಂದಿ ಭಾಗವಹಿಸುವ ನಿರೀಕ್ಷೆ ಇದೆ. ಮಂಗಳೂರು ದಕ್ಷಿಣದಿಂದಲೂ ಗರಿಷ್ಠ ಮಂದಿ ಭಾಗವಹಿಸಲಿದ್ದಾರೆ. ಜಿಲ್ಲೆಯಾದ್ಯಂತ ಪಾಸ್‌ಗೆ ಬೇಡಿಕೆ ಹೆಚ್ಚುತ್ತಿದ್ದು, ಭಾಗವಹಿಸುವರ ಪ್ರಮಾಣ ನಿರೀಕ್ಷೆಗಿಂತಲೂ ಹೆಚ್ಚಾಗಲಿದೆ ಎಂದು ಹೇಳಿದರು. ಪಾಲಿಕೆ ಸದಸ್ಯ ಕಿರಣ್‌ ಕುಮಾರ್‌, ಬಿಜೆಪಿ ಮುಖಂಡರು ಉಪಸ್ಥಿತರಿದ್ದರು.