ಪುತ್ತೂರು: ಇವತ್ತಿನ ನೇರ ರಾಜಕೀಯ ವಿಶ್ಲೇಷಣೆ ಪುತ್ತೂರಿನಿಂದ. ಪುತ್ತೂರು ವಿಧಾನ ಸಭಾ ಕ್ಷೇತ್ರ ಬಹುತೇಕ ಬಿಜೆಪಿಗೆ ಮಣೆ ಹಾಕಿದ ಕ್ಷೇತ್ರ. ಕಳೆದ ಬಾರಿ ಬಿಜೆಪಿ ಭಾರಿ ಅಂತರದಿಂದ ಪುತ್ತೂರು ಕ್ಷೇತ್ರವನ್ನು ಗೆದ್ದಿತ್ತು.

ಪುತ್ತೂರು ಕ್ಷೇತ್ರದ ಶಾಸಕ ಸಂಜೀವ ಮಠಂದೂರು ಜನಪ್ರಿಯತೆ ಕಳೆದುಕೊಂಡಿಲ್ಲ. ಕಳೆದ ನಾಲ್ಕು ವರ್ಷಗಳಲ್ಲಿ ಸಂಜೀವ ಮಠಂದೂರು ತೃಪ್ತಿದಾಯಕ ಅಭಿವೃದ್ಧಿ ಕಾರ್ಯಗಳನ್ನು ನಡೆಸಿದ್ದಾರೆ. ಜನರಿಗೆ ತೃಪ್ತಿ ಯಾಗುವ ಅಭಿವೃದ್ಧಿ ಕಾರ್ಯಗಳನ್ನು ನಡೆಸಿರುವುದರಿಂದ ಅವರ ಜನಪ್ರಿಯತೆಗೆ ತೊಂದರೆ ಯಾಗಿಲ್ಲ. ಜನರಿಗೆ ಸುಲಭವಾಗಿ ಕೈಗೆ ಸಿಗುತ್ತಾರೆ ಹಾಗೂ ಜನರ ಕೆಲಸವನ್ನು ಆಸಕ್ತಿಯಿಂದ ಮಾಡುತ್ತಾರೆ ಎಂಬ ಉತ್ತಮ ಅಭಿಪ್ರಾಯ ಮತದಾರರಲ್ಲಿ ಇದೆ. ಆದರೆ ಕೆಲವೊಂದು ವಿವಾದಗಳು ಪುತ್ತೂರು ಬಿಜೆಪಿಯನ್ನು ಸುತ್ತುವರಿದು ಕುಳಿತುಕೊಂಡಿದೆ. ಆದರೂ ಶಾಸಕ ಸಂಜೀವ ಮಟಂದೂರು ನನ್ನ ಜನಪ್ರಿಯತೆಗೆ ತೊಂದರೆ ಉಂಟು ಮಾಡಿಲ್ಲ.

ಈ ನಡುವೆ ಕಾಂಗ್ರೆಸ್ಸಿನ ಬ್ಲಾಕ್ ಗಳು ಬಹಳಷ್ಟು ಚುರುಕಾಗಿ ಕಾರ್ಯನಿರ್ವಹಿಸುತ್ತಿರುವುದು ಕಂಡುಬಂದಿದೆ. ಬಿಜೆಪಿಯನ್ನು ವಿವಿಧ ವಿಷಯಗಳಲ್ಲಿ ಕಟ್ಟಿಹಾಕಲು ಶತಾಯಗತಾಯ ಪ್ರಯತ್ನ ಮಾಡುತ್ತಿದೆ.

ಆದರೆ ಕಾಂಗ್ರೆಸ್ನ ಒಳಗೆ ಇರುವ ಬಣ ಜಗಳ ಕಾಂಗ್ರೆಸ್ಸಿನ ಸುಗಮ ಕಾರ್ಯಕ್ಕೆ ಅಡ್ಡಿ ಆಗುತ್ತಿದೆ ಎಂದು ಕಾರ್ಯಕರ್ತರು ಅಭಿಪ್ರಾಯಪಡುತ್ತಾರೆ. ಶಕುಂತಳಾ ಶೆಟ್ಟಿ ಹಾಗೂ ಹೇಮನಾಥ ಶೆಟ್ಟಿ ಬಣಗಳ ನಡುವೆ ಸ್ಪರ್ಧೆ ನಡೆಯುತ್ತಿದೆಯೆಂದು ರಾಜಕೀಯ ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ.