ಶ್ರೀ ಶಾಂತಾದುರ್ಗಾ ಕುಂಬಾರ್ಜುವೇಕರಿಣಿ ದೇವಿ ಗ್ರಾಮದ ಪ್ರತಿ ಮನೆಗೆ ಭೇಟಿ ನೀಡುತ್ತಾರೆ.ಜನರು ಗುಲಾಲನ್ನು ಅರ್ಪಿಸಿ ಅರ್ಚಕರಿಂದ ಗುಲಾಲನ್ನು ದೇವಿಯ ಆಶೀರ್ವಾದವಾಗಿ ತೆಗೆದುಕೊಳ್ಳುತ್ತಾರೆ. ಮಾರ್ಚ್ 25ರ ಶನಿವಾರ ಮಧ್ಯಾಹ್ನ 3:30ರ ಸುಮಾರಿಗೆ ಸುರುಚೇಭಟ್ ಕುಂಬಾರ್ಜುವೆಯಲ್ಲಿ ದೇವಿಯ ಮೆರವಣಿಗೆ ನಡೆಯಿತು.ಜನರೆಲ್ಲ ಹಬ್ಬ ಹರಿದಿನಗಳಲ್ಲಿ ದೇವಿಯ ಆಗಮನದ ಸಿದ್ಧತೆಯಲ್ಲಿ ನಿರತರಾಗಿದ್ದರು. ಇದ್ದಕ್ಕಿದ್ದಂತೆ, ಒಬ್ಬ ಹುಡುಗ ಅವನ ಕಣ್ಣಿನಲ್ಲಿ ಗುಲಾಲ್ ಬಿದ್ದ ಪರಿಣಾಮ ಕಣ್ಣು ತೊಳೆದುಕೊಳ್ಳಲು ಗೆಳೆಯರೊಂದಿಗೆ ಹತ್ತಿರದ ನದಿಯಲ್ಲಿ ಇಳಿದಿದ್ದ. ಕಣ್ಣು ತೊಳೆಯುವ ವೇಳೆ ಕಾಲು ಜಾರಿ ನದಿಗೆ ಬಿದ್ದಿದ್ದು, ಈತನನ್ನು ರಕ್ಷಿಸಲು ಈಜು ಬಾರದ ವಿಜಯಕುಮಾರ್, ಆರ್ಯನ್, ಮುಖೇಶ್ ನದಿಗೆ ಇಳಿದರು. ಆದರೆ ಈಜು ಬಾರದ ಕಾರಣ ಇವರು ನೀರಲ್ಲಿ ಮುಳುಗಲು ಪ್ರಾರಂಭಿಸಿದರು ಎನ್ನಲಾಗಿದೆ. ತನ್ನ ಸ್ನೇಹಿತರು ನೀರಲ್ಲಿ ಮುಳುಗುತ್ತಿರುವುದನ್ನು ಕಂಡ ಅಂಕುರಕುಮಾರ್ ತಾನೇ ನೀರಿಗೆ ಧುಮುಕಿ ಸ್ನೇಹಿತರನ್ನು ನೀರಿನಿಂದ ರಕ್ಷಿಸಿದ್ದಾನೆ.