ಮಾಲ್‌ನ ಪ್ರತಿನಿಧಿಗಳು ನೀಡಿದ ದೂರಿನ ಅನ್ವಯ ಪ್ರಕರಣ ದಾಖಲು ಮಾಡಲಾಗಿತ್ತು. ವಿಡಿಯೋದಲ್ಲಿ ಕಾಣಿಸಿದ ಜನರು ಮಾಲ್ ಸಿಬ್ಬಂದಿಯಲ್ಲ ಎಂದು ಅವರು ಹೇಳಿದ್ದರು. ಈ ಘಟನೆ ಬಳಿಕ ಶುಕ್ರವಾರ ಮಾಲ್‌ನ ಎಲ್ಲ ಶಾಪಿಂಗ್ ವಲಯಗಳಲ್ಲಿಯೂ ನೋಟಿಸ್ ಅಂಟಿಸಲಾಗಿದ್ದು, ‘ಮಾಲ್‌ನಲ್ಲಿ ಯಾವುದೇ ಧಾರ್ಮಿಕ ಪ್ರಾರ್ಥನೆಗೆ ಅವಕಾಶ ನೀಡುವುದಿಲ್ಲ’ ಎಂದು ಹೇಳಿತ್ತು.

ಉತ್ತರ ಪ್ರದೇಶದಲ್ಲಿ ಸಾರ್ವಜನಿಕ ಸ್ಥಳಗಳಲ್ಲಿ ಯಾವುದೇ ಧಾರ್ಮಿಕ ಪ್ರಾರ್ಥನೆಗಳನ್ನು ಸಲ್ಲಿಸುವುದನ್ನು ಸರ್ಕಾರ ನಿಷೇಧಿಸಿದೆ. ಆದರೆ ಮಾಲ್‌ನಲ್ಲಿ ನಮಾಜ್ ಮಾಡಿದ್ದರ ವಿಡಿಯೋ ಭಾರಿ ವಿವಾದ ಸೃಷ್ಟಿಸಿತ್ತು. ಬಲಪಂಥೀಯ ಸಂಘಟನೆಯೊಂದು, ಅಲ್ಲಿ ಹನುಮಾನ್ ಚಾಲೀಸ ಪಠಿಸಲು ಅನುಮತಿ ನೀಡುವಂತೆ ಮಾಲ್ ಅಧಿಕಾರಿಗಳನ್ನು ಕೇಳಿತ್ತು. ಆದರೆ ಅದಕ್ಕೆ ಅವಕಾಶ ನಿರಾಕರಿಸಲಾಗಿತ್ತು.