‘ನನಗೆ ಕನಸಲ್ಲೂ ಇಷ್ಟೊಂದು ಸಿನಮಾಗಳು ಸಿಗುತ್ತೆ ಅಂದುಕೊಂಡಿರಲಿಲ್ಲ. ನಾನು ನಟಿಯಾಗಬೇಕು ಅಂತ ಆಕ್ಟಿಂಗ್ ಶಾಲೆಗೆ ಸೇರಿದೆ. ಅಲ್ಲಿ ಒಂದೇ ವಾರಕ್ಕೆ ಲವ್ ಮಾಕ್ಟೇಲ್ ಆಡೀಷನ್ ಆಯ್ತು. ಆಯ್ಕೆ ಆದೆ. ಬದುಕೇ ಬದಲಾಯಿತು’ ಎನ್ನುತ್ತಾರೆ ರಚನಾ.
ಲವ್ ಮಾಕ್ಟೇಲ್ ನಂತರ ಬಂದ ಸಾಲು ಸಾಲು ಲವ್ ಸ್ಟೋರಿಗಳಿಂದ ರಚನಾ ಸ್ವಲ್ಬ ಹಿಂಜರಿದಿದ್ದು ಸತ್ಯ. ಹಾಗಾಗಿ, ಈಕೆ ಸ್ವಲ್ಪ ಚೂಸಿ ಆದರಂತೆ.
‘ಎಲ್ಲರೂ ಒಂದೇ ಥರ ಪಾತ್ರಗಳು ಬೇಡ ಅಂತ ನಾನು ಸ್ವಲ್ಪ ಪ್ರೀತಿ-ಪ್ರೇಮ ಕತೆಯಿಂದ ದೂರ ನಿಂತೆ. ಆಗ ಗಣೇಶ್ ಜೊತೆ ತ್ರಿಬಲ್ ರೈಡಿಂಗ್ ಮಾಡಿ ಮುಗಿಸಿದೆ. ರಿಷಬ್ ಶೆಟ್ಟಿ ತಂಡದ ಜೊತೆ ಹರಿಕಥೆ ಅಲ್ಲ ಗಿರಿಕಥೆಯ ಸಿನಿಮಾ ಈಗ ತಾನೇ ಮುಗಿದೆ. ತೆಲುಗಿನಲ್ಲಿ ಚಿತ್ರನ್ ಮಹಾರಾಣಿ ಸಿನಿಮಾದ ಶೂಟಿಂಗ್ ಕೂಡ ಮುಗಿದು ಬಿಡುಗಡೆಗೆ ಸಿದ್ಧವಾಗಿದೆ. ಹೀಗೆ ನನ್ನ ಅಭಿರುಚಿಯ ಹಾದಿಯನ್ನು ಬದಲಿಸಿಕೊಂಡೆ’ ಎಂದು ತಮ್ಮ ಬಗ್ಗೆ ಹೇಳಿಕೊಳ್ಳುತ್ತಾರೆ ರಚನಾ.
ಲವ್ ಮಾಕ್ಟೇಲ್ ಕೃಪೆ ಹೇಗಿದೆ ಎಂದರೆ, ರಚನಾರನ್ನು ಬೇಡಿಕೆ ನಾಯಕಿಯನ್ನು ರೂಪಿಸಿದ್ದು. ಈಗಾಗಲೇ ಐದು ಚಿತ್ರಗಳು ಬಿಡುಗಡೆಗೆ ಸಿದ್ಧವಾಗಿವೆಯಂತೆ.