ದಾಂತೇವಾಡದಲ್ಲಿ ಬಸ್‌ಗೆ ಬೆಂಕಿ ಹಚ್ಚಿದ ನಕ್ಸಲೀಯರು, ಪ್ರಯಾಣಿಕರು ಸುರಕ್ಷಿತ
Twitter
Facebook
LinkedIn
WhatsApp
ದಾಂತೇವಾಡಾ: ಛತ್ತೀಸ್‌ಗದ ದಾಂತೇವಾಡ ಜಿಲ್ಲೆಯಲ್ಲಿ ಶನಿವಾರ ನಕ್ಸಲೀಯರು ಪ್ರಯಾಣಿಕರನ್ನು ಕೆಳಗಿಳಿಸುವಂತೆ ಹೇಳಿ ಬಸ್‌ಗೆ ಬೆಂಕಿ ಹಚ್ಚಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಖಾಸಗಿ ಪ್ಯಾಸೆಂಜರ್ ಬಸ್ ನಾರಾಯಣಪುರ ಪಟ್ಟಣದಿಂದ ದಂತೇವಾಡಕ್ಕೆ ತೆರಳುತ್ತಿದ್ದಾಗ ಮಾಲೆವಾಹಿ ಮತ್ತು ಬೋಡ್ಲಿ ಪೊಲೀಸ್ ಶಿಬಿರಗಳ ನಡುವೆ ಬೆಳಗ್ಗೆ ಈ ಘಟನೆ ಸಂಭವಿಸಿದೆ ಎಂದು ದಾಂತೇವಾಡ ಹೆಚ್ಚುವರಿ ಪೊಲೀಸ್ ಅಧೀಕ್ಷಕ ಆರ್.ಕೆ. ಬರ್ಮನ್ ತಿಳಿಸಿದ್ದಾರೆ.
“ಸುಮಾರು ಎರಡು ಡಜನ್ ಮಾವೋವಾದಿಗಳು, ಶಸ್ತ್ರಸಜ್ಜಿತರಾಗಿ, ಬಸ್ ಅನ್ನು ನಿಲ್ಲಿಸಿ ಪ್ರಯಾಣಿಕರನ್ನು ಇಳಿಯಲು ಅನುಮತಿಸಿದ ನಂತರ ಅದನ್ನು ಸುಟ್ಟುಹಾಕಿದರು. ಪ್ರಯಾಣಿಕರಿಗೆ ಅಥವಾ ಸಿಬಂದಿಗೆ ಯಾವುದೇ ಹಾನಿಯಾಗಿಲ್ಲ. ಪ್ರಯಾಣಿಕರನ್ನು ಅವರವರ ಸ್ಥಳಗಳಿಗೆ ಕಳುಹಿಸಲಾಗಿದೆ.ಭದ್ರತಾ ಪಡೆಗಳು ಸ್ಥಳಕ್ಕೆ ಧಾವಿಸಿದ್ದು, ನಕ್ಸಲೀಯರ ವಿರುದ್ಧ ಕೂಂಬಿಂಗ್ ಕಾರ್ಯಾಚರಣೆ ನಡೆಯುತ್ತಿದೆ” ಎಂದು ಅವರು ಹೇಳಿದರು.
